VIDEO ભાજપની પ્રેસ કોન્ફરન્સમાં જીવીએલ નરસિંહારાવ પર જૂતું ફેંકાયું, થયો હોબાળો

નવી દિલ્હી: લોકસભા ચૂંટણી 2019ના બીજા તબક્કાનું હાલ મતદાન ચાલુ છે. આ દરમિયાન દિલ્હી ખાતેના  ભાજપના હેડક્વાર્ટર પર એક પ્રેસ કોન્ફરન્સ ચાલુ હતી. ચાલુ પ્રેસ કોન્ફરન્સમાં એક વ્યક્તિએ ભાજપના પ્રવક્તા અને નેતા જીવીએલ નરસિંહા રાવ પર જૂતું ફેંક્યું. જૂતું ફેંકનારા વ્યક્તિને તરત પકડી લેવાયો છે. કહેવાય છે કે આ વ્યક્તિ કાનપુરનો છે અને પોલીસ હજુ તેની ઓળખ કરી રહી છે. તેની પાસેથી એક વિઝિટીંગ કાર્ડ પણ મળી આવ્યું છે.