VIDEO: આ પક્ષના ઉમેદવારનો ગુસ્સો સાતમા આસમાને, પોલિંગ બૂથ પર EVM જ તોડી નાખ્યું

અમરાવતી: લોકસભા ચૂંટણી 2019ના પહેલા તબક્કામાં આંધ્ર પ્રદેશની 25 લોકસભા બેઠકો ઉપરાંત 175 સભ્યોવાળી વિધાનસભા માટે પણ મતદાન થઈ રહ્યું છે. મતદાન દરમિયાન જન સેના પાર્ટીના એક ઉમેદવારને મતદાન કેન્દ્ર ઉપર એટલો ગુસ્સો આવી ગયો કે તેમણે ઈલેક્ટ્રોનિક વોટિંગ મશીન (ઈવીએમ)ને ઉઠાવીને જમીન પર ફેંક્યું અને તેને ક્ષતિગ્રસ્ત કરી નાખ્યું. ત્યારબાદ પોલીસે તેમને ઈવીએમને નુકસાન પહોંચાડવાના આરોપમાં ધરપકડ કરી લીધા. 

પોલીસે કહ્યું કે મધુસુદન ગુપ્તાએ અનંતપુર જિલ્લાના ગુંતકલ વિધાનસભા ક્ષેત્રના એક મતદાન કેન્દ્ર પર ઈવીએમને જમીન પર ફેંકી દીધુ, ગુટ્ટીમાં મતદાન કેન્દ્ર પર મતદાન કરવા આવેલા ગુપ્તા મશીન પર વિધાનસભા અને સંસદીય ક્ષેત્રોના નામ બરાબર ન દેખાવવાના કારણે મતદાન કર્મચારીઓથી નારાજ હતાં. 

જુઓ LIVE TV