Mohan Yadav New MP CM: પ્રધાનમંત્રી મોદી અને તેમના ચાણક્ય કહેવાતા અમિત શાહે આ વખતે ગુજરાતની જેમ મધ્ય પ્રદેશમાં પણ મુખ્યમંત્રી તરીકે નવું નામ જાહેર કરીને સૌ ને ચોંકાવી દીધાં. શિવરાજ સિંહ ચૌહાણ સહિત જે નામો ચર્ચામાં હતા તેને કોરાણે મુકીને નવા ચેહરોને જ સોંપી દેવમાં આવી મધ્ય પ્રદેશની કમાન. જાણો કોણ છે મધ્ય પ્રદેશના નવા મુખ્ય મંત્રી મોહન યાદવ જેણે શિવરાજસિંહ ચૌહાણ ઉર્ફે મામાનું પત્તુ કટ કરાવી દીધું. 


COMMERCIAL BREAK
SCROLL TO CONTINUE READING

ભારતીય જનતા પાર્ટીએ મધ્ય પ્રદેશમાં સીએમના નામની જાહેરાત સાથે જ રાજનીતિમાં સૌ કોઈને મોટી સરપ્રાઈઝ આપી. મોહન યાદવ મધ્યપ્રદેશના નવા મુખ્યમંત્રી હશે. તેઓ ઉજ્જૈન દક્ષિણના ધારાસભ્ય છે અને શિવરાજ સિંહ સરકારમાં ઉચ્ચ શિક્ષણ મંત્રી રહી ચૂક્યા છે. ભાજપના ધારાસભ્યોની બેઠકમાં OBC સમુદાયમાંથી આવતા મોહન યાદવના નામને મંજૂરી આપવામાં આવી હતી. વર્ષ 2013માં તેઓ પ્રથમ વખત ઉજ્જૈન દક્ષિણ બેઠક પરથી ધારાસભ્ય બન્યા હતા. 2018ની મધ્યપ્રદેશ વિધાનસભાની ચૂંટણીમાં, જનતાએ ફરી એકવાર તેમને ઉજ્જૈન દક્ષિણ બેઠક પરથી ધારાસભ્ય તરીકે ચૂંટ્યા. 2 જુલાઈ, 2020 ના રોજ, તેઓ શિવરાજ સિંહ ચૌહાણ સરકારમાં કેબિનેટ મંત્રી બન્યા અને તેમને ઉચ્ચ શિક્ષણ મંત્રીનું કામ સોંપવામાં આવ્યું. તેમની છબી હિંદુ નેતા જેવી રહી છે અને મોહન યાદવ પણ આરએસએસના નજીકના માનવામાં આવે છે.


25 માર્ચ 1965ના રોજ ઉજ્જૈનમાં જન્મેલા મોહન યાદવે B.Sc., LLB, MA માં પોલિટિકલ સાયન્સ, MBA અને PhD કર્યું છે. સૂત્રોના જણાવ્યા અનુસાર એમપીમાં બે ડેપ્યુટી સીએમ હશે. કહેવામાં આવી રહ્યું છે કે જગબીર દેવરા અને રાજેન્દ્ર શુક્લાને ડેપ્યુટી સીએમ બનાવવામાં આવી શકે છે. જ્યારે નરેન્દ્ર સિંહ તોમર વક્તા રહેશે.


મોહન યાદવની યાત્રા પર એક નજર:
મોહન યાદવ એબીવીપી સાથે સંકળાયેલા છે. 1982માં તેઓ માધવ સાયન્સ કોલેજના વિદ્યાર્થી સંઘના સહ-સચિવ હતા. આ પછી, તેઓ 1984 માં તેના પ્રમુખ બન્યા. 1984માં, તેઓ ABVP ઉજ્જૈનના શહેર મંત્રી અને 1986 માં, વિભાગના વડા તરીકે ચૂંટાયા. વર્ષ 1988માં, તેઓ MP ABVP ના રાજ્ય સહ-સચિવ અને રાષ્ટ્રીય કાર્યકારિણીના સભ્ય બન્યા. 1989-90માં તેઓ એબીવીપીના રાજ્ય એકમના રાજ્ય મંત્રી બન્યા અને 1991-92માં તેઓ કાઉન્સિલના રાષ્ટ્રીય મંત્રી બન્યા.


1993-95 થી, તેઓ ઉજ્જૈન શહેરમાં આરએસએસના સહ-વિભાગના સચિવ બન્યા અને 1997 માં, તેઓ ભારતીય જનતા યુવા મોરચાની રાજ્ય કાર્યકારી સમિતિના સભ્ય હતા. 1998માં તેઓ પશ્ચિમ રેલવે બોર્ડની સલાહકાર સમિતિના સભ્ય તરીકે ચૂંટાયા હતા.


વિવાદો સાથે રહ્યો છે નાતોઃ
કોંગ્રેસનો આરોપ છેકે, મોહન યાદવે પોતાના અંગત સ્વાર્થ ખાતર ઉજ્જૈન મંદિરના માસ્ટર પ્લાનમાં ફેરફાર કર્યો છે. તેઓ શિવરાજ સરકારમાં મંત્રી હતા તે સમયે પોતાના પરિવારના લોકોને લાભ કરાવવા માસ્ટર પ્લાનનો દૂરઉપયોગ કર્યો હતો. જોકે, યાદવ આ આરોપોને નકારી ચુક્યા છે.


સીતા માતા અંગે આપ્યું હતું વિવાદિત નિવેદનઃ
સૂત્રોની માનીએ તો મોહન યાદવે જેતે સમયે માતા સીતાને લઈને વિવાદિત નિવેદન આપ્યું હતું. ત્યારે તેઓ શિવરાજ સિંહની સરકારમાં શિક્ષણ મંત્રી હતાં. એ સમયે મોહન યાદાવે કહ્યું હતુંકે, મર્યાદાને કારણે રામે સીતાને છોડવા પડ્યાં. તેમણે વનમાં બાળકોને જન્મ આપ્યો હતો. આજના દૌરમાં આ જીવન છુટાછેડા બાદના જીવન જેવું જ છે.