હોશંગાબાદ: મધ્યપ્રદેશના હોશંગાબાદમાં કોઈને જણાવ્યાં વગર રજા પર ગયેલા એક દલિત યુવકને તેના માલિકે મશીનથી બાંધીને હંટર (કોરડો)થી ખુબ પીટાઈ કરી. એટલું જ નહીં આ દબંગ માલિકે યુવકની પીટાઈનો એક વીડિયો પણ બનાવી લીધો. હોશંગાબાદના ગ્રામ રાયપુર નિવાસી અજય અહિરવાર હોશંગાબાદમાં શિવનંદી પેટ્રોલ પંપ પર કામ કરતો હતો. થોડા દિવસો પહેલા તેનો અકસ્માત થયો જેના કારણે અજય કામ પર જઈ શકતો નહતો. અજયે જણાવ્યા વગર રજાઓ પાડતા તેનો માલિક નારાજ થઈ ગયો. ત્યારબાદ આરોપી યુવકે પોતાના એક સાથીને મોકલીને અજયને બોલાવ્યો. અજયના આવ્યાં બાદ માલિકે તેની પીટાઈ શરૂ કરી દીધી. 


COMMERCIAL BREAK
SCROLL TO CONTINUE READING

ડરના કારણે ગામડે જતો રહ્યો હતો યુવક
આરોપી દીપક સાહૂ અને ચિંટુ સાહૂએ પહેલા તો અજયને પેટ્રોલ પંપમાં મશીન સાથે બાંધી દીધો. ત્યારબાદ અજય પર હંટર વરસાવવાના શરૂ કરી દીધા. બંને દબંગોએ લગભગ દસ મિનિટમાં દલિત અજયને 100થી વધુ કોરડા ફટકાર્યાં. અજયની આ પીટાઈનો વીડિયો પણ બનાવી લીધો. અજય યેનકેન પ્રકારે દબંગોના ચંગુલથી બચીને સંબંધીઓના ત્યાં ગ્રામ પવારખેડા જતો રહ્યો. 



બંને આરોપીઓની ધરપકડ
સંબંધીઓના ત્યાંથી પાછા ફરતા અજયે ગામ્ય પોલીસ મથકે ફરિયાદ દાખલ કરાવી. વીડિયો મળતા જ પોલીસે આરોપી ચિંટુ સાહૂ અને દીપક સાહૂ પર કલમ 360/18, કલમ 342.294, કલમ 323. 506 તથા એસસીએસટી એક્ટ હેઠળ મામલો દાખલ કરીને ધરપકડ કરી લીધી છે. જે હંટરથી અજયની પીટાઈ કરવામાં આવી તે પણ જપ્ત કરી લેવાયું છે. 


પેટ્રોલ પંપ સાથે બાંધીને કરાઈ પીટાઈ
અજયના જણાવ્યાં મુજબ "હું શિવનંદી પેટ્રોલ પંપ ઉપર કામ કરું છું. થોડા દિવસો પહેલા મારો અકસ્માત થયો હતો. જેના કારણે છેલ્લા 5-6 દિવસથી કામ પર જઈ શકતો નહતો. એક દિવસ ચિંટુ અને રિંકુ મને પેટ્રોલ પંપ પર લઈ ગયાં. ત્યાં તેમણે મને પેટ્રોલ પંપ સાથે બાંધી દીધો અને કોરડાથી ફટકારવાનું શરૂ કરી દીધુ. આ સાથે જ મને રિપોર્ટ ન કરવાની પણ ધમકી આપી. ડરના કારણે હું ગામડે જતો રહ્યો અને ત્યાંથી આવ્યાં બાદ મેં ફરિયાદ કરી."