બાળકો માતા-પિતાને ન સાચવે તો પ્રોપર્ટી લઈ શકે છે રિટર્ન, કોર્ટનો જબરદસ્ત આદેશ

નવી દિલ્હીઃ Property Rules by High Court: માતા અને પુત્ર વચ્ચેના વિવાદ પર તામિલનાડુના હાઇકોર્ટે જણાવ્યું હતું કે જો બાળકો વચન મુજબ કાળજી લેવામાં નિષ્ફળ જાય છે, તો માતા-પિતા મિલકતનો પાછો દાવો કરી શકે છે. જ્યારે માનવીય વર્તન વરિષ્ઠ નાગરિકો પ્રત્યે ઉદાસીન હોય અને તેમની સલામતી અને ગૌરવ સુરક્ષિત ન હોય, ત્યારે માતાપિતા તેમની મિલકત પાછી લઈ શકે છે.

મદ્રાસ હાઈકોર્ટે માતા-પિતા દ્વારા તેમના બાળકોની તરફેણમાં કરાયેલી મિલકત સંબંધી એક મહત્વપૂર્ણ ચુકાદામાં જણાવ્યું છે કે જો બાળકો વચન મુજબ માતા-પિતાની સંભાળ રાખવામાં નિષ્ફળ જાય તો તેઓ બાળકોને આપવામાં આવેલી તેમની મિલકત પાછી લઈ શકે છે.

મદ્રાસ હાઈકોર્ટના જસ્ટિસ એસ.એમ. સુબ્રમણ્યમે કહ્યું કે માતાપિતા એકપક્ષીય રીતે એગ્રીમેન્ટ લેટરને રદ કરી શકે છે જો તેમાં માત્ર એ વાતનો ઉલ્લેખ હોય કે તે તેમને પ્રેમ અને લાગણીથી આપવામાં આવી રહ્યો છે. ચુકાદો આપતી વખતે, ન્યાયાધીશે ભારપૂર્વક જણાવ્યું હતું કે માતાપિતાને એકપક્ષીય રીતે સમાધાન કરારને રદ કરવાનો અધિકાર છે. જોકે એ વાત પણ સ્પષ્ટ છે કે મિલકત તેમના બાળકો માટેના પ્રેમ અને લાગણીથી ટ્રાન્સફર કરવામાં આવી રહી છે.

આ પણ વાંચોઃ ભાજપે MP-CG અને રાજસ્થાન ચૂંટણી જીતવા બનાવી નવી રણનીતિ, PM મોદી જ મુખ્ય ચહેરો

જસ્ટિસ એસએમ સુબ્રમણ્યમના મતે, જ્યારે માનવીય વર્તન વરિષ્ઠ નાગરિકો પ્રત્યે ઉદાસીન હોય અને તેમની સલામતી અને ગૌરવ સુરક્ષિત ન હોય, ત્યારે માતાપિતા તેમની સંપત્તિ પાછી લઈ શકે છે.

આ મહત્વપૂર્ણ કાનૂની આદેશ તમિલનાડુના તિરુપુરની શકીરા બેગમ દ્વારા તેમના પુત્ર મોહમ્મદ દયાનની તરફેણમાં પ્રોપર્ટી સેટલમેન્ટ ડીડ રદ કરવાના કેસમાં આપવામાં આવ્યો હતો. શકીરા બેગમે સબ-રજિસ્ટ્રારને ફરિયાદ કરી હતી કે તેમણે તેના પુત્રને યોગ્ય ભરણપોષણ આપવાના વચનના આધારે એગ્રીમેન્ટ લેટર આપ્યો હતો. જે કરવામાં તે નિષ્ફળ ગયો હતો. માતા અને પુત્ર વચ્ચેનો આ મામલો કોર્ટમાં પહોંચ્યો હતો, ત્યારબાદ મદ્રાસ હાઈકોર્ટે માતા શકીરા બેગમના પક્ષમાં આદેશ જારી કર્યો છે.

મદ્રાસ હાઈકોર્ટનો ચુકાદો સ્પષ્ટ કરે છે કે જો બાળકો તેમની સંભાળ અને આપેલા વચનો પૂરા કરવામાં નિષ્ફળ જાય છે, તો માતાપિતા તેમના કલ્યાણ અને સલામતીની ખાતરી કરવા માટે પેરેન્ટ્સ એન્ડ સીનિયર સીટિઝન મેન્ટેનન્સ એન્ડ વેલફેર અધિનિયમની કાયદાકીય જોગવાઈઓ પર આધાર રાખી શકે છે.