લગ્ન કાયદેસર માન્ય ન હોય તો બીજી પત્ની અને બાળકો ભરણપોષણ ભથ્થું માગી શકે? જાણો શું કહ્યું હાઈકોર્ટે

જો લગ્ન કાયદેસર ન હોય અને પત્ની ભરણપોષણ ભથ્થું માંગે તો શું તે મળી શકે? આ સવાલનો જવાબ મદ્રાસ હાઈકોર્ટે આપ્યો છે. એક ચુકાદામાં કોર્ટે આ પ્રકારના કેસમાં જે કહ્યું તે જાણવા જેવું છે. 

મદ્રાસ હાઈકોર્ટે હાલમાં જ કહ્યું કે એક પત્ની સીઆરપીસીની કલમ 125 હેઠળ ભરણ પોષણ માટે હકદાર છે. ભલે તે લગ્ન કાયદેસર રીતે કેમ ન થયા હોય. કોર્ટે કહ્યું કે બીજી પત્ની અને બીજા લગ્નથી પેદા થયેલા બાળકો પણ ભરણપોષણ માટે હકદાર છે. ભલે પહેલા લગ્નના અસ્તિત્વના કારણે પછી તે લગ્ન કાનૂની કેમ ન હોય.