Maharashtra: વર્ધામાં ગમખ્વાર અકસ્માત, ધારાસભ્યના પુત્ર સહિત મેડિકલના 7 વિદ્યાર્થીઓના દર્દનાક મોત

નવી દિલ્હી: મહારાષ્ટ્રના વર્ધામાં થયેલા ભીષણ અકસ્માતમાં વિધાયકના પુત્ર સહિત 7 મેડિકલ વિદ્યાર્થીઓના મોત થયા છે. આ અકસ્માત મોડી રાતે થયો. મળતી માહિતી મુજબ સેલ્સુરા શિવારથી પસાર થતી વખતે વિદ્યાર્થીઓની ગાડી સામે જંગલી જાનવર આવી ગયું. તેને બચાવવાના ચક્કરમાં ગાડી બેકાબૂ બની અને પુલને તોડી ખાઈમાં ખાબકી.

40 ફૂટ ઊંડી ખાઈમાં પડી કાર
મળતી માહિતી મુજબ મેડિકલના વિદ્યાર્થીઓ રાતનું ભોજન કર્યા બાદ વર્ધા જઈ રહ્યા હતા. બ્રિજ પર કાર પસાર થઈ તે વખતે ડ્રાઈવરે કાબૂ ગુમાવ્યો અને કાર 20થી 40 ફૂટ ઊંડી ખાઈમાં જઈ ખાબકી. આ દુર્ઘટનામાં કારના ફૂરચા ઉડી ગયા.