મનીષ નિર્દોષ છે, તેની ધરપકડ ગંદી રાજનીતિ છે... સિસોદિયાની ધરપકડ પર અરવિંદ કેજરીવાલ

નવી દિલ્હીઃ દિલ્હીના મુખ્યમંત્રી અરવિંદ કેજરીવાલે લિકર કૌભાંડમાં ડેપ્યુટી સીએમ મનીષ સિસોદિયાની ધરપકડને ગંદી રાજનીતિ ગણાવી છે. તેમણે કહ્યું કે આના કારણે લોકોમાં ભારે રોષ છે. 2021-22ની આબકારી નીતિના અમલીકરણમાં કથિત ભ્રષ્ટાચારના સંબંધમાં રવિવારે સીબીઆઈ દ્વારા સિસોદિયાની ધરપકડ કરવામાં આવી હતી. કેન્દ્રીય એજન્સીએ લગભગ 8 કલાકની લાંબી પૂછપરછ બાદ તેની ધરપકડ કરી હતી.

અરવિંદ કેજરીવાલે એક ટ્વીટમાં કહ્યું, 'મનીષ નિર્દોષ છે. તેમની ધરપકડ ગંદી રાજનીતિ છે. મનીષની ધરપકડથી લોકોમાં ખુબ રોષ છે. લોકો બધુ જોઈ રહ્યાં છે. લોકો બધુ સમજી રહ્યાં છે. લોકો તેનો જવાબ આપશે. તેનાથી અમારો જુસ્સો વધુ વધશે. અમારો સંઘર્ષ વધુ મજબૂત થશે.'