એન્જીનિયરિંગ બાદ વિદેશમાં લાખોનો પગાર... પછી નોકરી છોડી બન્યા સાધુ

Bhaktivedant Damodar Das: વૃંદાવનમાં દરરોજ લાખોની સંખ્યામાં ભક્તો પોતાના આરાધ્ય ભગવાન શ્રી કૃષ્ણના વિભિન્ન મંદિરો અને પૌરાણિક સ્થળોના દર્શન કરવા માટે આવે છે. જ્યાં ભગવાન કૃષણે પોતાની બાળ લીલાઓ કરી હતી. વૃંદાવન માટે એ પણ કહેવામાં આવે છે કે જે એકવાર વૃંદાવન આવી ગયું તે પછી ત્યાંનું થઇને રહી ગયું. એવું જ થયું એક વ્યક્તિ સાથે જ્યારે કૃષ્ણ ભક્તિનો રંગ ચઢ્યો કે પોલેન્ડની લાખોની નોકરી છોડી વૃંદાવનમાં સંત બની ગયા. 

35 વર્ષના ભક્તિવેદાન્ત દામોદર દાસનું જીવન ત્યારે બદલાઈ ગયું જ્યારે તેઓ 2011માં તેમની ઓફિસની રજાઓ દરમિયાન વૃંદાવનની મુલાકાતે આવ્યા. તે ભક્તિનો એવો નશો ચડી ગયો કે તે કાયમ માટે વૃંદાવનનો રહેવાસી બની ગયો. મૂળ લખનઉના રહેવાસી દામોદરે જણાવ્યું કે તેમના ઘરમાં શરૂઆતથી જ ભક્તિનું વાતાવરણ હતું. તેમના માતા-પિતા હંમેશા તેમને રામાયણ અને ગીતાના પાઠ ભણાવતા હતા.

આ રીતે બદલાઇ ગઇ જીંદગી
દામોદર દાસ તેમની જીંદગીમાં અસલી પરિવર્તન આવ્યું 2011 માં જ્યારે તે પહેલીવાર વૃંદાવન આવ્યા. તે પહેલાં તે અયોધ્યાના મહંત નૃત્ય ગોપાલ દાસના સાનિધ્યમાં ખૂબ સમય રહ્યા અને વૃંદાવન આવ્યા પછી ઇસ્કોન સાથે જોડાયા અને પછી ઇસ્કોન પરંપરામાં જ દીક્ષા લઇને સંન્યાસી બની ગયા. 

નોકરી છોડીને બની ગયા સંન્યાસી
આ પહેલાં દામોદરે લખનઉથી જ બીટેકનો અભ્યાસ કર્યો અને પછી ઘણી કંપનીઓમાં એન્જીનિયર તરીકે નોકરી કરી. ત્યારબાદ તેમણે પોલેન્ડમાં પણ નોકરી કરવાની તક મળી. જ્યાં તેમણે લાખોનો પગાર મળતો હતો. પરંતુ ત્યાં સુધી તેમના પર કૃષ્ણ ભક્તિની અસર ચઢી ગઇ હતી અને ફક્ત ત્રણ મહિના જ વિદેશમાં જ નોકરી છોડીને 25 વર્ષની ઉંમરમાં વૃંદાવન આવીને રહેવા લાગ્યા, પછી અહીંયા જ દીક્ષા લઇને સંતનો વેશ ધારણ કરી હવે વૃંદાવનમાં જ રહે છે.