પહેલા ચાવાળો અને હવે ચોકીદાર, દેશ ખરેખર બદલાઈ રહ્યો છેઃ માયાવતીનો ટોણો

લખનઉઃ તાજેતરમાંજ વડા પ્રધાન મોદી દ્વારા શરૂ કરવામાં આવેલા 'મૈં ભી ચોકીદાર' અભિયાન અંગે બહુજન સમાજ પાર્ટીના સુપ્રીમો માયાવતીએ મંગળવારે ટોણો મારતા જણાવ્યું કે, છેલ્લી લોકસભા ચૂંટણીમાં 'ચાવાળો' અને હવે 'ચોકીદાર'..., ખરેખર દેશ બદલાઈ રહ્યો છે. ત્યાર બાદ સપા અધ્યક્ષ અખિલેશ યાદવે પણ ચોકીદારના મુદ્દે સરકાર પર નિશાન સાધ્યું હતું. 

માયાવતીએ આજે ટ્વીટ કરી કે, "'સાદું જીવન, ઉચ્ચ વિચાર'થી વિરુદ્ધ શાહી શૈલીમાં જીવનારી જે વ્યક્તિએ છેલ્લી લોકસભા ચૂંટણીમાં વોટ માટે પોતાને 'ચાવાળા' તરીકે પ્રચારિત કર્યોહતો, તે હવે આ ચૂંટણીમાં વોટ માટે તામઝામ અને શાન સાથે કુદને 'ચોકીદાર' સાબિત કરી રહ્યો છે. દેશ ખરેખર બદલાઈ રહ્યો છે."

બીજી ટ્વીટમાં અખિલેશ યાદવે જણાવ્યું કે, "વિકાસ પુછી રહ્યો છે કે, જનતાના બેન્ક ખાતામાંથી પાછલા દરવાજે જે પૈસા ખેંચવામાં આવી રહ્યા છે, તેને બચાવવા માટે કોઈ ચોકીદાર છે કે શું?" ત્રીજી ટ્વીટમાં તેમણે જણાવ્યું કે, "વિકાસ પુછી રહ્યો છે કે, મંત્રાલયમાંથી વિમાનની ફાઈલ ચોરી થવા માટે જવાબદાર લાપરવાહ ચોકીદારને સજા મળી કે નહીં?"

ઉલ્લેખનીય છે કે, ગંગા યાત્રા પર નિકળેલા કોંગ્રેસ મહામંત્રી પ્રિયંકા ગાંધીએ પણ સોમવારે ચોકીદાર મુદ્દે મોદી પર નિશાન સાધ્યું હતું. નામ આગળ ચોકીદાર લગાવા માટે પ્રિયંકા ગાંધીએ જણાવ્યું કે, "તેમની (વડાપ્રધાન મોદીની) મરજી છે કે, તેઓ પોતાના નામ આગળ શું લગાવે. મને એક બાઈએ કહ્યું કે, જૂઓ, ચોકીદાર તો શ્રીમંતોના હોય છે. અમે ખેડૂત તો જાતે જ ચોકીદાર હોઈએ છીએ."