કોરોનાના વધતા કેસ વચ્ચે ગૃહ મંત્રાલયે જાહેર કરી નવી ગાઇડલાઇન, 1 ડિસેમ્બરથી થશે લાગૂ

નવી દિલ્હીઃ કોરોના વાયરસનું સંક્રમણ દેશમાં સતત વધી રહ્યું છે. રાજધાની દિલ્હીમાં તો કોરોનાના દરરોજ 7 હજાર જેટલા કેસ સામે આવી રહ્યાં છે. તહેવારો દરમિયાન બજારોમાં ભેગા થયેલા લોકો સંક્રમણ ફેલાવવાનું મુખ્ય કારણ રહ્યાં છે. આ વચ્ચે ગૃહ મંત્રાલયે બુધવારે દિશા-નિર્દેશો જાહેર કર્યા છે. ગૃહ મંત્રાલયે મોનિટરિંગ, નિયંત્રણ અને સાવચેતી માટે ગાઇડલાઇન જાહેર કરી છે. સરકારના દિશા-નિર્દેશ 1 ડિસેમ્બરથી લાગૂ થશે અને 31 ડિસેમ્બર સુધી લાગૂ રહેશે. 

ગૃહ મંત્રાલયે રાજ્યો/કેન્દ્ર શાસિત પ્રદેશોને કડકાઇથી કોરોના વાયરસ નિવારણના ઉપાય, વિભિન્ન ગતિવિધિઓ પર એસઓપી અને ટોળાને નિયંત્રિત કરવાના અરજીયાત ઉપાય કરવાના નિર્દેશ આપ્યા છે.