Milk Price: આ શહેરના લોકોને આજે પણ 39 રૂપિયામાં લિટર દૂધ, 47 રૂપિયામાં મળે છે દહીં ; આ છે કારણ

બેંગલુરૂઃ Bangalore milk price: અમૂલે દૂધના ભાવમાં વધારો કર્યો છે અને આમ અમૂલ ગોલ્ડ  દિલ્હીમાં 66 રૂપિયા પ્રતિ લિટરે પહોંચી ગયું છે. આવી સ્થિતિમાં, જો અમે તમને જણાવીએ કે દેશમાં એક એવું મેટ્રો શહેર છે. જ્યાં એક લીટર ટોન્ડ દૂધ માત્ર રૂ.39માં અને ફુલ ક્રીમ દૂધ રૂ.49માં ઉપલબ્ધ છે. હા, આ શહેર છે કર્ણાટકની રાજધાની બેંગલુરુ. આ સિવાય અહીં માત્ર રૂ.47માં એક કિલો દહીં મળે છે. અહીં એવી તો કઈ વ્યવસ્થા છે કે જનતાને આટલું સસ્તું દૂધ મળે છે, તો ચાલો જાણીએ શું છે તેનું કારણ?

અહીં દૂધ આટલું સસ્તું કેમ છે
તમને જણાવી દઈએ કે અહીં દૂધ સસ્તું થવાનું કારણ અહીંની ભાજપ સરકાર છે. હા આ મુખ્યમંત્રી યેદિયુરપ્પાના જમાનાની વાત છે. જ્યારે સરકારે ખેડૂતોને દૂધ માટે 2 રૂપિયા પ્રતિ લીટરના ભાવે સહાય આપવાની શરૂઆત કરી હતી. આ લાભ માત્ર KMF સાથે જોડાયેલા ડેરી યુનિયનોને જ ઉપલબ્ધ હતો પછી જ્યારે સિદ્ધારમૈયાના નેતૃત્વમાં કોંગ્રેસની સરકાર બની, ત્યારે તેઓએ મે 2013માં યોજનાનો વિસ્તાર કર્યો અને સહાય બમણી કરી. આ જ રીતે, આ યોજના હેઠળની સહાયમાં વધારો થતો રહ્યો અને નવેમ્બર 2016માં પ્રતિ લિટર રૂ. 5ની સહાય શરૂ કરવામાં આવી. નવેમ્બર 2019માં જ્યારે યેદિયુરપ્પા સરકારની રચના થઈ ત્યારે આ સહાયમાં ફરીથી વધારો કરવામાં આવ્યો અને આ સહાયને વધારીને રૂ. 6 પ્રતિ લિટર કરવામાં આવી.

આ પણ વાંચો- તો હોળી પહેલા વધી જશે સરકારી કર્મચારીઓનો પગાર!, જલદી થશે DAમાં વધારાની જાહેરાત

દિલ્હીમાં ભાવ વધારો
તાજેતરમાં, અમૂલે દિલ્હીમાં 'ટોન' અને 'ફુલ-ક્રીમ' દૂધના ભાવમાં વધારો કર્યો છે અને અમૂલ ગોલ્ડ રૂ. 66 પ્રતિ લિટર, અમૂલ ફ્રેશ રૂ. 54 પ્રતિ લિટર, અમૂલ ગાયનું દૂધ રૂ. 56 પ્રતિ લિટર અને અમૂલ એ 2 ભેંસનું દૂધ રૂ. 70 પ્રતિ લીટર પહોંચ્યું છે.