વરસાદના લીધે પાણી ભરતા વ્યક્તિએ કરી મશ્કરી, લોકોએ કહ્યું- WoW મુંબઇ બન્યું માલદીવ

Man Lies On Waterlogged Road: મુંબઇમાં સોમવઆરથી પડી રહેલા ભારે વરસાદથી શહેરીજનોને ભારે પરેશાની ઉઠાવવી પડી રહી છે. પાણી ભરાવવાની ઘટનાઓ અને વરસાદ સાથે જોડાયેલી ઘટનાઓના કારણે વ્યવસ્થા ખોરવાઇ ગઇ છે. આ દરમિયાન સોશિયલ મીડિયા પર એક વ્યક્તિનો વીડિયો વાયરલ થઇ રહ્યો છે, જ્યાં સંપૂર્ણપણે પાણીમાં ડૂબેલા વિસ્તારો જોવા મળી રહ્યા છે. વીડિયોમાં વ્યક્તિ પાણી ભરેલા રોડ પર શાંતિથી સૂતો દેખાય છે, જ્યાએ બસ અને કાર પસાર થઇ રહી છે અને તેના પર પાણીના છાંટા ઉડી રહ્યા છે. સોશિયલ મીડિયા પર આ વીડિયોને જોઇને લોકો વિવિધ પ્રકારની કોમેન્ટ્સ આપી રહ્યા છે. 

સોશિયલ મીડિયા પર વીડિયો શેર
વીડિયો વિક્રાંત જોશી નામના વ્યક્તિએ ફેસબુક પર પોસ્ટ કરી છે. આ સાથે જ તેમણે કેપ્શનમાં લખ્યું છે ધન્યવાદ, BMC, આ આદમીને મલાડમાં માલદીવનો અહેસાસ કરાવવા માટે. આ વીડિયોને શેર કરતાં જ અત્યાર સુધી હજારો લોકો દ્રારા જોવાઇ ચૂક્યો છે. 

10 હજારથી વધુ વાર થયો શેર
આ વીડિયો પર લોકો વિવિધ પ્રકારની કોમેન્ટ્સ કરી રહ્યા છે. આ વીડિયોને અત્યાર સુધી 10,000થી વધુ ફેસબુક યૂઝર્સ શેર કરી રહ્યા છે. એક યૂઝરે પોતાના બે મિત્રોને ટેગ કરીને લખ્યું 'ચલો માદીવ જઇએ. એક અન્ય યૂઝરે પણ આ પ્રકારની કોમેન્ટ કરતાં લખ્યું કે 'માલદીવ ઇન મલાડ'