સુકમામાં નક્સલીઓએ IED વિસ્ફોટ કર્યો, આસિસ્ટન્ટ કમાન્ડન્ટ શહીદ, 9 જવાન ઘાયલ

સુકમા: છત્તીસગઢના સુકમા જિલ્લા (Sukma Naxali attack) માં સર્ચિંગ પર નીકળેલા જવાનો પર નક્સલીઓએ IED વિસ્ફોટ કર્યો. જેમાં CRPFના કોબરા 206 બટાલિયનના 10 જવાનો ઘાયલ થયા હતા. આ હુમલામાં આસિસ્ટન્ટ કમાન્ડન્ટ નીતિન ભાલેરાવ સારવાર દરમિયાન શહીદ થયા. 7 ઘાયલ જવાનોને રાયપુરની એક હોસ્પિટલમાં દાખલ કરવામાં આવ્યા છે. જ્યારે 2 જવાનોની સારવાર ચિંતસનાક કેમ્પમાં જ ચાલી રહી છે. 

બસ્તરના આઈજી સુંદરરાજ પીએ ખબરની પુષ્ટિ કરતા કહ્યું કે બ્લાસ્ટ બુર્કાપાલ કેમ્પથી 6 કિલોમીટરના અંતરે થયો. નક્સલીઓની હાજરીની સૂચના મળતા ઓપરેશન શરૂ કરી દેવાયું હતું. જવાનો મોડી સાંજે જ્યારે તાડમેટલા ગામની નજક જંગલમાં હતા ત્યારે નક્સલીઓએ બારૂદી સુરંગમાં વિસ્ફોટ કર્યો. આ ઘટનામાં 10 જવાનો ઘાયલ થયા હતા. 

અત્રે જણાવવાનું કે આ હુમલો ગઈ કાલે મોડી સાંજે થયો હતો. બ્લાસ્ટ બાદ સીઆરપીએફનું ઓપરેશન વિસ્તારમાં ચાલુ છે.