શરદ પવારે NCPના કાર્યકરોને કહ્યું-જનસંપર્ક કેવી રીતે કરાય તે RSS પાસેથી શીખો

નવી દિલ્હી: એવું કહેવાય છે કે જો તમારા હરીફમાં કોઈ સારા ગુણ હોય તો તેને પણ અપનાવવા જોઈએ. એનસીપી સુપ્રીમો શરદ પવારે પુણેમાં પાર્ટી કાર્યકરોને સંબોધન કર્યું. તેમણે કાર્યકરોને રાષ્ટ્રીય સ્વયંસેવક સંઘ પાસેથી શીખવાની શીખામણ આપી. પવારે કહ્યું કે જનસંપર્ક કેવી રીતે કરાય તે શીખવું હોય તો આરએસએસ પાસેથી શીખો. 

લોકસભા ચૂંટણીમાં મળેલી સજ્જડ હાર બાદ શરદ પવાર પાર્ટીના પદાધિકારીઓની સાથે સતત ચિંતન મંથનમાં લાગેલા છે. આ જ કડીમાં તેઓ પુણેના ભોસરી વિસ્તારમાં પાર્ટી અધિકારીઓ અને કાર્યકર્તાઓ સાથે બેઠક કરવા આવ્યા હતાં. પવારે આ અવસરે આરએસએસનું ઉદાહરણ રજુ કર્યું. કઈ રીતે ચૂંટણીમાં આરએસએસ લોકોના ઘરે જઈ જઈને સંપર્ક સાંધે છે તે વાત પવારે કાર્યકરોને જણાવી. 

જુઓ LIVE TV

પવારે કહ્યું કે આરએસએસના કાર્યકરોની જનસંપર્કની રીત શીખવા જેવી છે. શરદ પવારે પાર્ટી કાર્યકરોને કહ્યું કે થોડા મહીના બાદ મહારાષ્ટ્ર વિધાનસભાની ચૂંટણી છે. આ માટે પાર્ટી કાર્યકરોએ પણ એ જ રીતે પૂરી શિદ્દત સાથે જનસંપર્ક સાધવો જોઈએ.