New Army Chief: લેફ્ટનન્ટ જનરલ મનોજ પાંડે હશે આગામી સેના પ્રમુખ, CDS બનશે નરવણે?

New Army Chief: લેફ્ટનન્ટ જનરલ મનોજ પાંડે દેશના નવા સેના પ્રમુખ નિયુક્ત કરવામાં આવ્યા. આગામી 30 એપ્રિલના લેફ્ટનન્ટ જનરલ મનોજ પાંડેને ભારતીય સેનાની કમાન સોંપવામાં આવશે.

મનોજ પાંડે સૌથી વરિષ્ઠ અધિકારી
તમને જણાવી દઈએ કે વર્તમાન સેના પ્રમુખ મનોજ મુકુંદ નરવણે આ મહિનાના અંતમાં સેવાનિવૃત્ત થઈ રહ્યા છે. મનોજ મુકુંદ નરવણે બાદ લેફ્ટનન્ટ જનરલ મનોજ પાંડે જ સેનામાં સૌથી વરિષ્ઠ અધિકારી છે.

અનેક સિદ્ધિઓથી શણગારેલી છે મનોજ પાંડેની કારકિર્દી
લેફ્ટનન્ટ જનરલ મનોજ પાંડેએ તેમના 39 વર્ષના સૈન્ય કરિયરમાં પશ્ચિમી થિયટરમાં એક એન્જિનિયર બ્રિગેડ, LOC પર પાયદળ બ્રિગેડ, લદ્દાખ સેક્ટરમાં એક પર્વતીય ડિવીઝન અને ઉત્તર પૂર્વમાં ક કોરની કમાન સંભાળી છે. પૂર્વ કમાનનો કાર્યભાળ સંભાળતા પહેલા તેઓ આંદામાન અને નિકોબાર કમાનના કમાન્ડર-ઇન-ચીફનો કાર્યભાળ સંભાળી ચૂક્યા છે.