મહારાષ્ટ્રમાં કોરોના સંક્રમિતોની સંખ્યા 5 લાખને પાર, નવા 12822 કેસ નોંધાયા

મુંબઈઃ મહારાષ્ટ્રમાં શનિવારે કોરોના સંક્રમણના  12 હજારથી વધુ નવા કેસ સામે આવ્યા છે. સ્વાસ્થ્ય વિભાગના અધિકારીઓએ જણાવ્યું કે, પ્રદેશમાં શનિવારે 12822 નવા કોરોનાના કેસ નોંધાયા છે. આ સાથે મહારાષ્ટ્રમાં કેસોની કુલ સંખ્યા 5 લાખને પાર પહોંચી ગઈ છે. 

સ્વાસ્થ્ય વિભાગના આંકડા અનુસાર પ્રદેશમાં શનિવાર સાંજ સુધી છેલ્લા 24 કલાકમાં 12822 નવા કેસ નોંધાયા છે. આ સિવાય રાજ્યમાં 275 લોકોના મૃત્યુ પણ થયા છે. રાજ્યમાં કોરોનાના અત્યાર સુધી 5 લાખ 3 હજાર 84 કેસ સામે આવી ચુક્યા છે. તો સંક્રમણથી કુલ 17 હજાર 367 લોકોના મૃત્યુ થયા છે.