હોસ્પિટલના આઠમા માાળથી કૂદનારનું મોત, પત્નીના મોત બાદ ડિપ્રેશનમાં હતો અધિકારી

Kolkata Hospital News: ડિપ્રેશનથી પીડિત એક વ્યક્તિ સુજીત અધિકારીએ શનિવાર સવારે કોલકાતામાં ન્યુરોસાયન્સની સંસ્થાના આઠમાં માળથી કૂદી આપઘાત કરવાનો પ્રયાસ કર્યો હતો. જે બાદ રાતે 8 વાગ્યાની આસપાસ તેનું મોત થયું છે. આ પહેલા શનિવાર સવારે અધિકારી હોસ્પિટલના રૂમની બારીમાં થઈ કોર્નિસ પર બેસી ગયો હતો. તેને બચાવવા માટે રાજ્યના ફાયર સર્વિસ કર્મચારીઓ અને આપત્તિ વ્યવસ્થાપન અધિકારીઓનો પ્રયાસ નિષ્ફળ રહ્યો, કેમ કે તે પહેલા જ તે આઠમાં માળથી કૂદી ગયો હતો.

કેન્સરથી પત્નીના મોત બાદ ડિપ્રેશનમાં હતો
વધારે પડતું લોહી વહી જવાને કારણે અધિકારીને હોસ્પિટલના ઇમરજન્સી વિભાગમાં લઇ જવામાં આવ્યો જ્યાં તેનું ઓપરેશન કરવામાં આવ્યું. જો કે, તમામ પ્રયાસ નિષ્ફળ સાબિત થયા. જાણવા મળી રહ્યું છે કે, અધિકારીની પત્નીનું એક મહિના પહેલા કેન્સરના કારણે મોત થયું હતું અને ત્યારથી તે ડિપ્રેશનમાં આવી ગયો હતો. વધુ પ્રમાણમાં દારૂનું સેવન કરવા લાગ્યો હતો. તેની તમામ બચત તેની પત્નીની સારવાર પાછળ ખર્ચ થઈ ગઈ હતી અને તેની વધુ સારવાર કરવા માટે તેણે પૈસા પણ ઉધાર લીધા હતા.