Winter Session: મોદી સરકારે 7 વર્ષમાં કેટલા લોકોને આપી નોકરી? કેન્દ્રીય મંત્રીએ રાજ્યસભામાં રજુ કર્યો આંકડો

Parliament Winter Session 2 December Live Updates: સંસદના શિયાળુ સત્રનો આજે ચોથો દિવસ છે. સંસદના બંને ગૃહોમાં છેલ્લા ત્રણ દિવસથી વિપક્ષ સતત હંગામો મચાવી રહ્યો છે. આ કારણે લોકસભા અને રાજ્યસભાની કાર્યવાહી પણ સતત સ્થગિત થઈ રહી છે. શિયાળુ સત્રના આજે ચોથા દિવસે જો સતત હોબાળાની સ્થિતિ નહીં રહે તો લોકસભામાં કોરોના વાયરસના નવા વેરિએન્ટ ઓમિક્રોનના જોખમ અને તેને પહોંચી વળવા માટેની તૈયારીઓ પર ચર્ચા થશે. 

મોદી સરકારે કેટલા લોકોને આપી નોકરી
રાજ્યસભામાં કેન્દ્રીય મંત્રી જિતેન્દ્ર સિંહે જાણકારી આપતા જણાવ્યું કે SSC, UPSC અને રેલવે રિક્રુટમેન્ટ બોર્ડના માધ્યમથી 2007-14 સુધી 6,19,027 નિયુક્તિ થઈ. ગત વર્ષમાં 6,98,011 નિયુક્તિઓ થઈ. 2014માં સરકાર બની તો કેન્દ્રીય પદોની સ્વીકૃત ક્ષમતા 36,45,584 હતી. હવે આ આંકડો વધીને 40,04,941 થઈ ગયો.