Special Coin: PM મોદીએ 1, 2, 5, 10 અને 20 ના નવા સિક્કા બહાર પાડ્યા, ખાસ જાણો તેની ખાસિયતો

નવી દિલ્હી: પ્રધાનમંત્રી નરેન્દ્ર મોદીએ આજે આઝાદી કા અમૃત મહોત્સવને સમર્પિત એક, બે, પાંચ, દસ અને વીસ રૂપિયાના નવા સિક્કા લોન્ચ કર્યા. આ દરમિયાન પીએમ મોદીએ ક્રેડિટ લિંક્ડ સરકારી યોજનાઓ માટે રાષ્ટ્રીય પોર્ટલ જન સમર્થન પોર્ટલનો પણ શુભારંભ કર્યો. 

Iconic Week Celebrationનું ઉદ્ધાટન, સિક્કા લોન્ચ કર્યા
પીએમ મોદીએ આજે સવારે નવી દિલ્હી ખાતે વિજ્ઞાન ભવનમાં નાણા મંત્રાલય અને કોર્પોરેટ મામલાના મંત્રાલયના પ્રતિષ્ઠિત Iconic Week Celebration નું ઉદ્ધાટન કર્યું. આ દરમિયાન પીએમએ 1, 2, 5, 10 અને 20 રૂપિયાના સિક્કાની ખાસ શ્રેણી પણ લોન્ચ કરી. સિક્કા લોન્ચ કર્યા બાદ પીએમ મોદીએ કહ્યું કે આ નવા સિક્કા દેશના લોકોને સતત અમૃતકાળના લક્ષ્યની યાદ અપાવશે અને તેમને રાષ્ટ્રના વિકાસમાં યોગદાન માટે પ્રેરિત કરશે. 

ખુબ જ ખાસ છે આ સિક્કા
અત્રે જણાવવાનું કે આ સિક્કા ખુબ જ ખાસ છે કારણ કે આ સ્પેશિયલ સિરીઝના સિક્કાને નેત્રહીન પણ સરળતાથી ઓળખી શકશે. પીએમઓ દ્વારા આ જાણકારી શેર કરવામાં આવી હતી. આ સિક્કા ઓ પર AKAM નો લોગો હશે. પીએમઓના નિવેદનમાં કહેવાયું કે સિક્કાની આ સ્પેશિયલ સિરીઝમાં AKAM ના લોગોની થીમ હશે અને દ્રષ્ટિહીન વ્યક્તિઓ પણ સરળતાથી ઓળખી શકશે.