ચીનને લાગશે ડબલ ઝટકો, પીએમ મોદીએ એપ બનાવવા માટે યુવાઓને આપી ચેલેન્જ

નવી દિલ્હીઃ ચીનની હરકતોનો જવાબ આપવા માટે ભારત સરકારે ન માત્ર 59 ચીની એપને પ્રતિબંધ કરી દીધી છે પરંતુ હવે આ મામલામાં ભારતને આત્મનિર્ભર બનાવવાની યોજના છે. પ્રધાનમંત્રી નરેન્દ્ર મોદીએ શનિવારે ટ્વીટ કરીને કહ્યુ કે, તે આત્મનિર્ભર ભારત એપ ઇનોવેશન ચેલેન્જ લોન્ચ કરવા જઈ રહ્યાં છે. મોદીએ લખ્યુ, 'આજે મેડ ઇન ઇન્ડિયા એપ બનાવવા માટે તકનીકી અને સ્ટાર્ટઅપ સમુદાય વચ્ચે અપાર ઉત્સાહ છે. તેથી @GoI_MeitY અને  @AIMtoInnovate મળીને ઇનોવેશન ચેલેન્જ શરૂ કરી રહ્યાં છે.'