PM Modi US Visit: ન્યૂયોર્ક પહોંચ્યા પીએમ મોદી, UNમાં કરશે યોગ, આ છે અમેરિકાના પ્રવાસનો સંપૂર્ણ કાર્યક્રમ

ન્યૂયોર્કઃ PM Modi US Visit: પ્રધાનમંત્રી નરેન્દ્ર મોદી (Narendra Modi)અમેરિકા પહોંચી ગયા છે. પીએમ 23 જૂન સુધી અમેરિકાની મહત્વપૂર્ણ યાત્રા પર રહેશે. આ દરમિયાન પ્રધાનમંત્રી યુએન (UN)માં યોગ દિવસ (Yoga Day)ના કાર્યક્રમમાં ભાગ લેવાની સાથે-સાથે અમેરિકી રાષ્ટ્રપતિ જો બાઇડેન (Joe Biden)ની સાથે ડિનર પણ કરશે. અહીં જાણો પીએમ મોદીના અમેરિકાના પ્રવાસનો સંપૂર્ણ કાર્યક્રમ..

પીએમ મોદી 20 થી 25 જૂન સુધી અમેરિકા અને ઇજિપ્તની સરકારી યાત્રાએ ગયા છે. પીએમ અમેરિકી રાષ્ટ્રપતિ જો બાઇડેન અને ફર્સ્ટ લેડી જિલ બાઇડેનના આમંત્રણ પર અમેરિકા પહોંચ્યા છે. PMનો આ મહત્વપૂર્ણ પ્રવાસ ન્યૂયોર્કથી શરૂ થશે જ્યાં તેઓ 21 જૂને ન્યૂયોર્કમાં સંયુક્ત રાષ્ટ્રના મુખ્યાલયમાં આંતરરાષ્ટ્રીય યોગ દિવસની ઉજવણીમાં ભાગ લેશે. યોગ દિવસના કાર્યક્રમ બાદ પીએમ મોદી 22 જૂને વોશિંગ્ટન ડીસી જશે. જ્યાં તેમનું વ્હાઇટ હાઉસમાં પરંપરાગત રીતે સ્વાગત કરવામાં આવશે.

આ પણ વાંચોઃ અમેરિકામાં PM મોદીનું ભવ્ય સ્વાગત કરવા ભારતીય સમુદાયમાં થનગનાટ, કરી ખાસ તૈયારી

રાષ્ટ્રપતિ જો બિડેન સાથે રાત્રિભોજન કરશે
આ દરમિયાન પીએમ મોદી અમેરિકી રાષ્ટ્રપતિ જો બિડેન સાથે મુલાકાત કરશે. રાષ્ટ્રપતિ જો બાઈડેન અને તેમના પત્ની અને ફર્સ્ટ લેડી જિલ બાઈડેન 22 જૂનની સાંજે PMના સન્માનમાં રાત્રિભોજનનું આયોજન કરશે. PM 22 જૂને જ યુએસ કોંગ્રેસની સંયુક્ત બેઠકને સંબોધિત કરશે. આ બીજી વખત છે જ્યારે પીએમ મોદી યુએસ સંસદના સંયુક્ત સત્રને સંબોધિત કરશે. આવું કરનાર તેઓ પ્રથમ ભારતીય પ્રધાનમંત્રી છે. આ પહેલા તેમણે 2016માં અમેરિકી સંસદને સંબોધિત કરી હતી.

તમે એલોન મસ્ક સહિતની આ હસ્તીઓને સાથે મુલાકાત
આ પછી પીએમ 23 જૂને ઘણી મોટી કંપનીઓના સીઈઓને મળશે. આ દરમિયાન પીએમ ટેસ્લા અને ટ્વિટરના માલિક એલોન મસ્ક, નોબેલ પુરસ્કાર વિજેતા અર્થશાસ્ત્રી પોલ રોમર, કલાકારો, વૈજ્ઞાનિકો, શિક્ષણવિદો અને આરોગ્ય ક્ષેત્રના નિષ્ણાતોને પણ મળશે. અધિકારીઓએ જણાવ્યું કે પ્રધાનમંત્રી મોદી લેખક નિકોલસ નસીમ તાલિબ અને રોકાણકાર રે ડાલિયોને મળી શકે છે. PMને મળવાની સંભાવના ધરાવતી અન્ય અગ્રણી હસ્તીઓમાં ફાલુ શાહ, જેફ સ્મિથ, માઈકલ ફ્રોમન, ડેનિયલ રસેલ, એલ્બ્રિજ કોલ્બી, પીટર એગ્રે, સ્ટીફન ક્લાસ્કો અને ચંદ્રિકા ટંડનનો સમાવેશ થાય છે.

આ પણ વાંચોઃ અમેરિકામાં બે ડઝન દિગ્ગજોને મળશે પીએમ મોદી, ટ્વિટરના માલિક મસ્ક સાથે પણ થશે મુલાકાત

કમલા હેરિસ સાથે લંચ, ભારતીયોને સંબોધશે
યુએસ વાઇસ પ્રેસિડેન્ટ કમલા હેરિસ અને વિદેશ મંત્રી એન્ટની બ્લિંકન 23 જૂને જ પીએમ મોદી માટે લંચનું આયોજન કરશે. પીએમ તે જ દિવસે વોશિંગ્ટનમાં રોનાલ્ડ રીગન બિલ્ડીંગ અને ઈન્ટરનેશનલ ટ્રેડ સેન્ટર ખાતે ભારતીય ડાયસ્પોરાને પણ સંબોધિત કરશે. તેમના બે દેશોના પ્રવાસના બીજા તબક્કામાં, પીએમ 24 થી 25 જૂન સુધી ઇજિપ્તની સરકારી મુલાકાતે કૈરો જશે.