બર્ગરના શોખીનો સાવધાન...અત્યંત જાણીતી કંપનીનું બર્ગર ખાતા જ વ્યક્તિના મોઢામાંથી લોહી નીકળવા લાગ્યું

પુણે: મહારાષ્ટ્રના પુણે શહેરમાં એક ગ્રાહકને દુનિયાની અત્યંત જાણીતી ફાસ્ટફૂડ કંપનીનો બર્ગર ખાવો ભારે પડી ગયો. બર્ગર ખાધા બાદ ગ્રાહકના મોઢામાંથી લોહી નીકળવા લાગ્યું. તેની હાલત ખરાબ થવા લાગી હતી. મળતી માહિતી મુજબ સાજિદ પઠાણ ઓટોરિક્ષા ડ્રાઈવર છે તેણે જણાવ્યું કે તે તેના મિત્રો સાથે ભોજન માટે પુણેના ફર્ગ્યુસન રોડ પર આવેલા બર્ગર કિંગની દુકાને ગયો હતો. તેણે બર્ગરનો પહેલો ટુકડો ખાધો, અચાનક તેને ગળામાં કઈંક ફસાયેલું મહેસૂસ થયું અને ખુબ દુખાવો પણ થયો. તેને મોંઢામાં ઘસરકા જેવું લાગ્યું. જ્યારે તે થૂંક્યો તો તેમાં લોહી પણ નીકળેલું જોવા મળ્યું. 

પોલીસના જણાવ્યાં મુજબ 31 વર્ષના આ વ્યક્તિએ પોલીસમાં ફરિયાદ નોંધાવી છે કે તેને જાણીતી વૈશ્વિક ફાસ્ટ ફૂડ કંપનીની એક દુકાનમાંથી લીધેલા બર્ગરમાં કાચના ટુકડાં મળ્યાં. ફરિયાદકર્તા સાજિદ પઠાણ ઓટોરિક્ષા ચાલક છે. તેણે જણાવ્યું કે 15મી મેના રોજ તે પોતાના મિત્રો સાથે ભોજન માટે પુણેની ફર્ગ્યુસન રોડ પર આવેલી બર્ગર કિંગની દુકાને ગયો હતો. 

ડેક્કન જીમખાના પોલીસ સ્ટેશનમાં એક અધિકારીના જણાવ્યાં મુજબ, ફરિયાદકર્તાના કહેવા અનુસાર તેણે બર્ગર, ફ્રાઈઝ અને કોલ્ડ ડ્રિંક મંગાવ્યાં હતાં. જેવું તેણે બર્ગરનો પહેલો ટુકડો ખાધો કે અચાનક તેને ગળામાં કઈંક ફસાયેલું લાગ્યું અને ખુબ દુખાવો પણ થયો.