Patiala Violence: પટિયાલા હિંસા પર સરકારની મોટી કાર્યવાહી, IG, SP અને SSP ની ટ્રાન્સફર

Patiala Violence Update: પંજાબના પટિયાલામાં ગઈ કાલનો દિવસ ખુબ તણાવવાળો રહ્યો. જૂલૂસ દરમિયાન બે જૂથ વચ્ચે અથડામણ થઈ. આ અથડામણમાં હિસાં થઈ. સ્થિતિને કાબૂમાં લેવા માટે વિસ્તારમાં ભારે પોલીસફોર્સ તૈનાત કરવામાં આવી. હિંસા બાદ હિન્દુ સંગઠનોએ શહેરમાં બંધનું એલાન જાહેર કર્યું છે. આ ઉપરાંત હિંસા બાદ રાજ્યમાં ઈન્ટરનેટ સસ્પેન્ડ કરાયું છે. પંજાબ સરકારે અનેક અધિકારીઓ વિરુદ્ધ પણ મોટી કાર્યવાહી કરી છે. સીએમના આદેશ પર પટિયાલાના IG, SP અને SSP ની ટ્રાન્સફર કરવામાં આવી છે. 

મોબાઈલ ઈન્ટરનેટ બંધ
શુક્રવારે થયેલી હિંસા બાદ રાજ્યના ગૃહ મંત્રાલયે આકરો નિર્ણય લીધો છે. જે મુજબ શહેરમાં સવારે 9.30 વાગ્યાથી સાંજે 6 વાગ્યા સુધી મોબાઈલ ઈન્ટરનેટ સુવિધા બંધ રહેશે.