ઇન્દોર: કોંગ્રેસ અધ્યક્ષ રાહુલ ગાંધી 29 અને 30 ઓક્ટોબર સુધી તેના બે દિવસીય મધ્યપ્રદેશના પ્રવાસ પર છે. સોમવારે રાહુલ તેનો રોડ શો પુરો કર્યા બાદ ઇન્દોર ફરવા નિકળ્યો હતો અને તે દરમિયાન રાહુલે ઇન્દોરના સ્વાદિષ્ટ ભોજનની મજા માણી હતી. ત્યારબાદ રાહુલે ઇન્દોરની ફેમસ ‘56’ દુકાન પર આઇસક્રિમ ખાધી અને ત્યાં હાજર બાળકોને પણ પોતાના હાથે આઇસક્રિમ ખવડાવી ત્યારબાદ ત્યાં હાજર લોકોએ તાળીઓ પાડવાની શરૂ કરી દીધી હતી. જણાવી દઇએ ઇન્દોરની 56 દુકાન દેશ ભરમાં તેના સ્વાદિષ્ટ વ્યંજન માટે ફેમસ છે.


રાહુલ ગાંધીનો વીડિયો વાયરલ
તમને જણાવી દઇએ કે રાહુલની સાથે જ્યોતિરાદિત્ય સિંધિયા અને કમલનાથ પણ હાજર હતા. ત્યારે રાહુલનો બાળકોને આઇસક્રિમ ખવડાવતો વીડિયો સોશિયલ મીડિયા પર પણ ઘણો વાયરલ થઇ રહ્યો છે. સોશિયલ મીડિયા પર વાયરલ આ વીડિયોને લોકોએ ઘણો પસંદ કર્યો છે અને રાહુલની પ્રશંસા પણ કરી રહ્યા છે. રાહુલ જ્યારે આ દુકાન પર પહોંચ્યો ત્યારે ચારેય બાજુ રાહુલના ચાહકોની ભીડ લાગી ગઇ હતી. એટલું જ નહીં દુકાનદારે પણ તેમને આઇસક્રિમ અને ખાવાના પૈસા લીધા ન હતા.


દેશના અન્ય સમાચાર વાંચવા માટે અહીં ક્લિક કરો...