Corona Vaccine: રાજસ્થાનમાં પણ ફ્રીમાં મળશે કોરોના વેક્સિન, અશોક ગેહલોતે કરી જાહેરાત

જયપુરઃ રાજસ્થાનના મુખ્યમંત્રી અશોક ગેહલોત (Chief Minister Ashok Gehlot) એ જાહેરાત કરી છે કે રાજ્યમાં 18 વર્ષથી વધુ ઉંમરના લોકોને કોરોના વેક્સિન ફ્રીમાં આપવામાં આવશે. મુખ્યમંત્રીએ કહ્યું કે, તે માટે આશરે 3000 કરોડ રૂપિયાનો ખર્ચ થશે. 

મુખ્યમંત્રીએ રવિવારે ટ્વીટ કરી કહ્યુ- રાજસ્થાન સરકારે પ્રદેશના 18 વર્ષથી વધુ ઉંમરના બધા લોકોને લગભગ 3000 કરોડ રૂપિયાની રકમ ખર્ચ કરી નિશુલ્ક કોવિડ વેક્સિન લગાવવાનો નિર્ણય કર્યો છે. 

મહત્વનું છે કે દેશમાં કોરોનાના વધી રહેલા કેસો વચ્ચે પાછલા સપ્તાહે મોદી સરકારે નિર્ણય કર્યો હતો કે એક મેથી 18 વર્ષથી મોટી ઉંમરના લોકોને કોરોના વેક્સિન આપવામાં આવશે. ત્યારબાદ ઘણા રાજ્યો 18 વર્ષથી વધુ ઉંમરના લોકોને ફ્રીમાં વેક્સિન આપવાની જાહેરાત કરી ચુક્યા છે.