200 ભાગલાવાદી નેતા હોટલમાં નજરકેદ, દરેક કાશ્મીરી દેશ વિરોધી નથી: રામ માધવ

નવી દિલ્હી: ભારતીય જનતા પાર્ટીના રાષ્ટ્રીય મહાસચિવ રામ માધવે શુક્રવારે કહ્યું કે હવે જમ્મુ અને કાશ્મીર ભારતનું અભિન્ન અંગ બની ગયુ છે. તે દેશના કોઈ પણ અન્ય રાજ્યની જેમ છે. બે કેન્દ્રશાસિત પ્રદેશ બનાવવામાં આવ્યાં છે. લદાખીઓ ખુબ ખુશ છે. તેઓ ખુબ આનંદિત છે. કારણ કે આ તેમની લાંબા સમયથી પેન્ડિંગ માગણી હતી. ભાજપના નેતાએ સ્વીકાર્યું કે કાશ્મીર ખીણમાં કેટલીક સમસ્યા છે. તેમનું ધ્યાન રખાશે. તેને સંપૂર્ણ સંવેદનશીલતા સાથે પતાવવામાં આવશે. 

એક પણ જીવ ગયો નથી
રામ માધવે કહ્યું કે છેલ્લા બે મહિનામાં સુરક્ષા દળોના કારણે રાજ્યમાં એક પણ વ્યક્તિએ જીવ ગુમાવ્યો નથી. કલમ 370 હટાવવાના નિર્ણયની પ્રભાવશીલતા અંગે કાશ્મીરના લોકોને જલદી સમજાવવાનો પ્રયત્ન કરવામાં આવશે. તેમણે કહ્યું કે પહેલેથી જ કાશ્મીરના લોકોના એક મોટા ભાગે તેને બિરદાવવાનું શરૂ કરી દીધુ છે. 

જુઓ LIVE TV