Good News: રોજ 9 કલાક ઊંઘો અને 1 લાખ રૂપિયા કમાઓ...આ ભારતીય કંપની આપે છે ઓફર

નવી દિલ્હી: દેશના આઈટી હબ અને કર્ણાટકની રાજધાની બેંગ્લુરુ (Bangaluru) ની એક કંપની તમને ઊંઘના બદલે એક લાખ રૂપિયા આપવા માટે તૈયાર છે. શરત એ છે કે પસંદ કરાયેલા વ્યક્તિએ 100 દિવસ સુધી રોજ 9 કલાકની ઊંઘ (Sleep) પૂરી કરવાની રહેશે. ઓનલાઈન સ્લીપ સોલ્યુશન્સ કંપની વેકફિટે આ ઓફર બહાર પાડી છે. Wakefit.co એ આ પ્રોગ્રામને 'વેકફિટ સ્લીપ ઈન્ટર્નશીપ' નામ આપ્યું છે. જ્યાં પસંદગી પામેલા ઉમેદવારોએ 100 દિવસ સુધી રોજ દરરોજ રાતે 9 કલાકની ઊંઘ પૂરી કરવી જરૂરી છે. 

પસંદગી પામેલા ઉમેદવારો કંપની તરફથી અપાયેલી ગાદી પર જ સૂઈ જશે અને જણાવશે કે તેમને કેવી ઊંઘ આવી. કંપની ઊંઘ લેનારા ઉમેદવારોનું કાઉન્સિલિંગ કરશે અને ગાદી પર તેમના સૂવાની પદ્ધતિઓને પણ ટ્રેક કરશે. આ દરમિયાન વિશેષજ્ઞો તરફથી સૂવા અંગે સલાહ પણ આપવામાં આવશે. શોર્ટલિસ્ટ કરવામાં આવેલા ઉમેદવારોની ઊંઘનું વીડિયો રેકોર્ડિંગ થશે. 

વિજેતાઓને એક સ્લીપ ટ્રેકર આપવામાં આવશે જે ઈન્ટર્નશીપ ગાદીનો ઉપયોગ કરતા પહેલા અને ત્યારબાદ ઊંઘની પેટર્નને રેકોર્ડ કરશે. એક લાખ રૂપિયા કમાવવા માટે ઈન્ટર્ને દરરોજ નવ કલાક ઊંઘ પૂરી કરવાની અને વેકફિટ કંપની સાથે ઊંઘનો ડેટા શેર કરવાનો રહેશે. 

આ VIDEO પણ ખાસ જુઓ...