Farmers Protest: ગાઝીપુર બોર્ડર પહોંચ્યા સુખબીર સિંહ બાદલ, રાકેશ ટિકૈતનું કર્યુ સમર્થન

નવી દિલ્હીઃ શિરોમણિ અકાલી દળ (SAD) ના અધ્યક્ષ સુખબીર સિંહ બાદલ (Sukhbir Singh Badal) એ રવિવારે દિલ્હી-ઉત્તર પ્રદેશની સરહદની પાસે ગાઝીપુર પહોંચીને કિસાનોને પોતાનું સમર્થન આપ્યુ હતું. અકાલી દળે વિવાદાસ્પદ કૃષિ કાયદાના વિરોધમાં ભાજપની આગેવાની વાળા એનડીએ (NDA) સાથે સંબંધ તોડી દીધો હતો. 

બાદલના આગમન પહેલા ભારતીય કિસાન સંઘના નેતા રાકેશ ટિકૈત (Rakesh Tikait) એ જાહેરાત કરી હતી કે કોઈપણ રાજનેતાઓને મુખ્યમંચ પર બોલવા માટે માઇક્રોફોન આપવામાં આવશે નહીં. તેમણે દાવો કર્યો કે, તેમને રાજકીય નેતાઓને મંચનો ઉપયોગ કરવા અને પ્રદર્શનકારીઓને સંબોધિત કરવાની મંજૂરી આપવા પર નોટિસ પ્રાપ્ત થઈ છે. 

બીજા સૌથી મોટા વિરોધ સ્થળ પર આ આંદોલન 67માં દિવસમાં પ્રવેશ કરી ગયું છે. દિલ્હી સાથે જોડાયેલા વિસ્તારમાં કિસાન રાષ્ટ્રીય ધ્વજ ફરકાવતા જય જવાન જય કિસાનના નારા લગાવી રહ્યા છે. સાથે કિસાનોની ભીડ પણ વધી ગઈ છે.