IIT-JEE અને NEETની પરીક્ષાઓ સ્થગિત કરવાની SCએ ચોખ્ખી ના પાડી, જાણો ક્યારે લેવાશે EXAM

નવી દિલ્હી: એન્જિનિયર અને ડોક્ટર બનવાના સપના જોતા લાખો વિદ્યાર્થીઓ માટે મહત્વના સમાચાર આવ્યાં છે. કોરોના મહામારી (Corona virus) ને ધ્યાનમાં રાખીને IIT-JEE અને NEET પરીક્ષાઓને યોજવા માટે લીલી ઝંડી આપી દીધી છે. 

સોમવારે જસ્ટિસ અરુણ મિશ્રાની પેનલે મેડિકલ પ્રવેશ પરીક્ષા NEET અને એન્જિનિયરિંગ પ્રવેશ પરીક્ષા IIT-JEEને સ્થગિત કરવાની માગણીવાળી અરજી ફગાવી દીધી. અરજી ફગાવતા પેનલે કહ્યું કે આ દેશમાં બધુ અટકાવી દઈએ? એક કિમતી વર્ષ આમ જ બરબાદ થવા દઈએ?

અત્રે જણાવવાનું કે અરજીમાં કોરોના વાયરસ સંક્રમણના વધતા કેસને પગલે સપ્ટેમ્બરમાં પ્રસ્તાવિત  IIT-JEE અને NEET પરીક્ષાઓને ટાળવાની માગણી કરવામાં આવી હતી. કેન્દ્રીય શિક્ષણ મંત્રાલયે હાલમાં જ જણાવ્યું હતું કે જેઈઈ પરીક્ષા 1 સપ્ટેમ્બરથી 6 સપ્ટેમ્બર સુધી યોજવામાં આવશે. જ્યારે NEET પરીક્ષા 13 સપ્ટેમ્બરે આયોજિત કરાશે.