Delhi ની Border Seal કરવા અંગે સુપ્રીમ લાલઘુમ, ત્રણેય રાજ્યોને મળી એક પાસ બનાવવા આદેશ

નવી દિલ્હી : કોરોના વાયરસ લોકડાઉન વચ્ચે બોર્ડર સીલ હોવાને કારણે પરેશાન લોકોને ઝડપી રાહત મળી શકે છે. સુપ્રીમ કોર્ટે આ અંગે સુનાવણી કરતા કહ્યું કે, દિલ્હી-એનસીઆર માટે એક જ પાસ હોવો જોઇએ. સુપ્રીમ કોર્ટે કહ્યું કે, એક કોમન પાસ બને જેની હરિયાણા, યુપી અને દિલ્હી ત્રણેય રાજ્ય દ્વારા માન્યતા આપવામાં આવે. 

એક અઠવાડીયામાં આવે સમસ્યાનો ઉકેલ
સુપ્રીમ કોર્ટે કહ્યું કે, ત્રણેય રાજ્યો માટે એક જ પાસ હોવો જોઇએ. તેનો અર્થ છે કે એક જ કોમન પાસ બને એક જ પોર્ટલ પર. કોર્ટે કેન્દ્ર પાસે આ અંગે એક જ અઠવાડીયામાં ઉકેલ લાવવા માટે જણાવ્યું છે. સુપ્રીમ કોર્ટે કહ્યું કે, કેન્દ્ર સરકાર દિલ્હી, હરિયાણા અને ઉત્તરપ્રદેશની સાથે મળીને આ સમસ્યાનો ઉકેલ લાવે તે જરૂરી છે.