આજે ઓડ-ઇવન યોજના પર સુપ્રીમ કોર્ટમાં સુનાવણી, કેજરીવાલ સરકારને કહેવા પડશે ફાયદા

નવી દિલ્હી: દિલ્હી એનસીઆરમાં વાયુ પ્રદૂષણ કેસને લઇને સુપ્રીમ કોર્ટ શુક્રવારે સુનાવણી કરશે. જ્યાં કેજરીવાલ સરકારને ડેટા અથવા રેકોર્ડ વડે જણાવવું પડશે કે ઓડ-ઇવન યોજનાથી દિલ્હીમાં પ્રદૂષણ કેવી રીતે ઓછું થયું છે. જોકે ગત સુનાવણીમાં સુપ્રીમ કોર્ટે ઓડ-ઇવન યોજનાને લઇને દિલ્હી સરકારને ફટકાર લગાવી હતી. જસ્ટિસ અરૂણ મિશ્રાએ કહ્યું હતું કે ઓડ-ઇવન યોજના પાછળ શું તર્ક છે? ડીઝલ વાહનો પર પ્રતિબંધ લગાવવો અમે સમજી શકીએ છીએ, પરંતુ ઓડ-ઇવન યોજના પાછળ શું કારણ છે. 

સુપ્રીમ કોર્ટે દિલ્હી સરકારને નિર્દેશ આપ્યા હતા કે તે શુક્રવાર સુધી ડેટા અથવા રેકોર્ડથી એ સાબિત કરો કે ઓડ-ઇવન યોજનાથી દિલ્હીમાં પ્રદુષણ ઓછું થયું છે. એટલું જ નહી ઓટો અને ટેક્સીઓ સતત રસ્તા પર ચાલી રહી છે. આ ઉપરાંત સુપ્રીમ કોર્ટે આદેશ આપ્યો હતો કે દિલ્હી, પંજાબ, હરિયાણા અને ઉત્તર પ્રદેશમાં કોઇ વીજકાપ ન હોવો જોઇએ જેથી સુનિશ્વિત થઇ શકે છે કે કોઇપણ ડીઝલ જનરેટરનો ઉપયોગ ન થાય.