કોલકાતા પોલીસ ચીફની ધરપકડ સહિત કોઈ દંડાત્મક કાર્યવાહી કરાશે નહીં: સુપ્રીમ કોર્ટ

નવી દિલ્હીઃ સીબીઆઈ વિરુદ્ધ મમતા બેનરજી કેસમાં સુપ્રીમ કોર્ટે મંગળવારે શારદા ચિટફંડ કેસમાં તપાસ એજન્સી સીબીઆઈની અરજીની સુનાવણી કરતા કેટલાક મહત્વના આદેશ આપ્યા હતા. સર્વોચ્ચ અદાલતે કોલકાતા પોલીસ કમિશનર રાજીવ કુમારને આદેશ આપ્યા કે તેઓ સીબીઆઈ સમક્ષ હાજર થાય અને શારદા ચિટફંડ ગોટાળાની તપાસમાં સંપૂર્ણ સહયોગ આપે. આ સાથે જ આ કેસમાં હવે પછીની સુનાવણી 20 ફેબ્રુઆરી નક્કી કરાઈ છે. 

સુપ્રીમે આપેલા આદેશના મહત્વના મુદ્દા...

• કોલકાતા પોલીસ છેડછાડ કરેલા કોલ ડેટાનો રેકોર્ટ ઉપલબ્ધ કરાવેઃ એટોરની જનરલ

• ચિટફંડ ગોટાળાની તપાસ માટે પશ્ચિમ બંગાળ સરકાર દ્વારા રચવામાં આવેલી એસાઈટીનું નેતૃત્વ કોલકાતા પોલીસ કમિશનર રાજીવ કુમાર કરી રહ્યા હતાઃ એટોરની જનરલ
• કોલકાતા પોલીસ પ્રમુખ તપાસ માટે હાજ થવાનું કહી શકે છે અને સીબીઆઈનું અપમાન કરવાની અરજી પર નોટિસ આપવામાં આવશેઃ સુપ્રીમ કોર્ટ
• કોલકાતા પોલીસ પ્રમુખ રાજીવ કુમાર તરફથી હાજર થયેલા વરિષ્ઠ વકીલ એ.એમ. સિંઘવીએ આરોપ લગાવ્યો કે, સીબીઆઈએ પોતાનું પ્રભુત્વ બતાવવા માટે આ પગલું ભર્યું છે. 

સર્વોચ્ચ અદાલેત કોલકાતા પોલીસ કમિશનર રાજીવ કુમારને સીબીાઈ સામે જાતે જ હાજર થવા અને શારદા કૌભાંડની તપાસમાં સંપૂર્ણ સહયોગ આપવાનો આદેશ આપ્યો છે. 

કોલકાતા પોલીસ પ્રમુખ રાજીવ કુમારની ધરપકડ સહિત કોઈ પણ દંડાત્મક પગલાં નહીં ભરેઃ સુપ્રીમ કોર્ટ

સર્વોચ્ચ અદાલેત પશ્ચિમ બંગાળના મુખ્ય સચિવ, ડીજીપી, કોલકાતા પોલીસ કમિશનરને સીબીઆઈ દ્વારા બીજી વખત તેમની સામે દાખલ કરેલી અપમાનની અરજીઓનો જવાબ આપવા આદેશ આપ્યો છે. 

આ સાથે જ સર્વોચ્ચ અદાલતે પશ્ચિમ બંગાળના મુખ્ય સચિવ, ડીજીપી, કોલકાતા પોલીસ પ્રમુખને 20 ફેબ્રુઆરીના રોજ કોર્ટમાં હાજર થવાનું કહી શકે છે.