મેવાલાલના રાજીનામા બાદ હવે સુશીલ મોદીએ તેજસ્વીનું IRCTC કૌભાંડમાં માગ્યુ રિઝાઇન

નવી દિલ્હીઃ બિહારમાં રાજકીય માહોલ ફરી ગરમાયો છે. શિક્ષણ મંત્રી મેવાલાલ ચૌધરીના રાજીનામા બાદ રાજકીય નિવેદનબાજી શરૂ થઈ ગઈ છે. આરજેડી નેતા તેજસ્વી યાદવના આકરા પ્રહાર બાદ તેમના પર પૂર્વ નાયબ મુખ્યમંત્રી સુશીલ મોદીએ નિશાન સાધ્યુ છે. 

સુશીલ કુમાર મોદીએ ટ્વીટ કરીને કહ્યુ કે, તેજસ્વી યાદવે રાજીનામું આપી દેવુ જોઈએ કારણ કે તે ભ્રષ્ટાચાર સાથે જોડાયેલા IRCTC કૌભાંડમાં ન માત્ર ચાર્જશીટેડ પરંતુ જામીન પર છે. કોરોનાને કારણે ટ્રાયલ રોકાયેલી છે. કોઈપણ દિવસે ટ્રાયલ શરૂ થઈ શકે છે. 

મહત્વનું છે કે આરજેડી છેલ્લા 2 દિવસથી સત મેવાલાલ ચૌધરી વિરુદ્ધ ભ્રષ્ટાચારના આરોપને લઈને અને તેની પત્નીના શંકાસ્પદ મોતના મામલામાં કથિત સંડોવણીને લઈને તપાસની માગ કરી રહી હતી.