કુપવાડા: સીમા પારથી ઘૂસણખોરી કરી રહેલા ત્રણ આતંકવાદીઓની ધરપકડ

શ્રીનગર : જમ્મુ કાશ્મીરના કુપવાડા જિલ્લામાં ભારતીય સેનાએ સીમા પારથી ઘુસણખોરીનો પ્રયાસ કરી રહેલ ત્રણેય આતંકવાદીઓની ધરપકડ કરી છે. મળતી માહિતી અનુસાર આ આતંકવાદીઓ કુપવાડાના રહેવાસી છે. તેઓ ભારતીય સીમામાં ઘુસવાનો પ્રયાસ કરી રહ્યા હતા. આ દરમિયાન આર્મી દ્વારા ત્રણેયની ધરપકડ કરવામાં આવી હતી. 

મળતી માહિતી અનુસાર સેનાએ શરૂઆતી પુછપરછ બાદ ત્રણેય આતંકવાદીઓને પોલીસના હવાલે કરી દીધા છે. આ ત્રણેયની વિરુદ્ધ કેસ દાખલ કરી દેવામાં આવ્યો છે. હવે તમામ કાર્યવાહી સ્થાનિક પોલીસ દ્વારા હાથ ધરવામાં આવશે. હાલ ત્રણેય આતંકવાદીઓ જમ્મુ કાશ્મીર પોલીસની કસ્ટડીમાં છે.

સુત્રો અનુસાર ત્રણેયની પાસે પણ મોટા પ્રમાણમાં હથિયાર  અને દારૂગોળો પણ મળી આવ્યો છે. મળતી માહિતી અનુસાર આ ત્રણેય ભારતનાં જ નિવાસી છે અને ગત્ત વર્ષે સીમા પાર કરીને આતંકવાદી ટ્રેનિંગ લેવા માટે પાકિસ્તાન ગયા હતા.