J&K: શોપિયામાં સેના અને આતંકીઓ વચ્ચે અથડામણ ચાલુ, 2 ટેરરિસ્ટનો ખાતમો

શોપિયા: જમ્મુ અને કાશ્મીરના શોપિયામાં ભારતીય સેના અને આતંકીઓ વચ્ચે મોડી રાતથી અથડામણ ચાલુ છે. બંને તરફથી જબરદસ્ત ફાયરિંગ થઈ રહ્યું છે. સૂત્રોના હવાલે જાણવા મળ્યું છે કે આ અથડામણમાં અત્યાર સુધી 2 આતંકીઓ માર્યા ગયા છે. હજુ પણ બે આતંકીઓ છૂપાયેલા હોઈ શકે છે. એક પોલીસ અધિકારીએ જણાવ્યું કે કેટલાક આતંકીઓની હાજરી અંગે ઈનપુટ મળ્યા બાદ ઓપરેશન શરૂ કરાયું હતું. 

અત્રે જણાવવાનું કે મંગળવારે દક્ષિણ કાશ્મીરમાં શોપિયા જિલ્લાના મેલ્હોરા ગામમાં 2-3 આતંકીઓ છૂપાયેલા હોવાની સૂચના મળી હતી. ત્યારબાદ સેનાની 55 આરઆર, એસઓજી, જમ્મુ અને કાશ્મીર પોલીસ તથા સીઆરપીએફની સંયુક્ત ટીમે મંગળવારે મોડી સાંજે મેલ્હોરા ગામમાં ઘેરાબંધી કરી હતી. 

જુઓ LIVE TV