Udaipur Murder Case: કોંગ્રેસના આ નેતાએ ગહેલોત સરકાર પર જ સવાલ ઉઠાવ્યા, પાર્ટીએ કહ્યું- લક્ષ્મણ રેખા ન ભૂલો

Udaipur Murder Case: કોંગ્રેસે ઉદયપુરમાં કન્હૈયાલાલ હત્યાકાંડમાં અશોક સરકારની કાર્યવાહી પર સવાલ ઉઠાવનારી ટિપ્પણી બદલ પોતાના નેતા આચાર્ય પ્રમોદ કૃષ્ણમને ફટકાર લગાવી અને કહ્યું કે તેમની ટિપ્પણી તથ્યોથી દૂર છે અને તેમણે લક્ષ્મણરેખા પાર કરતા પહેલા ઓછામાં ઓછું એકવાર તેના પર વિચાર કરવો જોઈતો હતો. 

કૃષ્ણમે એક ટ્વીટમાં ગહેલોત સરકારની કામગીરી પર સવાલ ઉઠાવતા પૂછ્યું હતું કે ધમકી મળવા છતાં કન્હૈયાને સુરક્ષા કેમ ન અપાઈ અને આરોપ લગાવ્યો કે હત્યારાઓ સાથે સાથે પોલીસ અને પ્રશાસન પણ સરખી રીતે જવાબદાર છે. તેમણે પૂછ્યું કે એસએસપી, ડીઆઈજી વિરુદ્ધ હજુ સુધી કાર્યવાહી કેમ થઈ નથી. કૃષ્ણમે એ પણ પૂછ્યું કે શું રાજસ્થાનમાં કોંગ્રેસ સરકારનો ઈકબાલ સંપૂર્ણ રીતે ખતમ થઈ ગયો છે.