રાજસ્થાન બાદ હવે UPના ગોન્ડામાં મંદિરના પૂજારી પર જીવલેણ હુમલો, હાલત ગંભીર

લખનઉ: રાજસ્થાન (Rajasthan)  બાદ હવે ઉત્તર પ્રદેશ (Uttar Pradesh) ના ગોન્ડા (Gonda) જિલ્લામાં પૂજારી પર જીવલેણ હુમલાની ઘટના સામે આવી છે. પૂજારીને ગંભીર હાલતમાં લખનઉ રેફર કરાયા છે. 

મળતી માહિતી મુજબ ગત રાતે ગોન્ડા જિલ્લાના રામ જાનકી મંદિર મનોરમાના પૂજારી મહંત સીતારામ દાસ પર જીવલેણ હુમલો થયો. હુમલામાં પૂજારી ગંભીર રીતે ઘાયલ થયા છે. સૂચના મળ્યા બાદ પોલીસ તરત ઘટનાસ્થળે પહોંચી અને પૂજારીને સારવાર માટે હોસ્પિટલમાં ખસેડાયા. ત્યાં પૂજારીની હાલત ગંભીર જોવા મળતા તેમને લખનઉ રેફર કરાયા છે. 

પોલીસના જણાવ્યા મુજબ જમીન વિવાદમાં પૂજારી પર હુમલો થયો. આ મામલે અજાણ્યા હુમલાખોરો પર કેસ દાખલ કરાયો છે. ગત વર્ષે પણ મહંત સીતારામ દાસ પર જીવલેણ હુમલો થયો હતો. હાલ પોલીસ આ મામલે તપાસમાં લાગી છે. અનેક લોકોની અટકાયત કરીને પૂછપરછ ચાલુ છે.