Chardham Yatra 2022: વૈદિક મંત્રોચ્ચાર સાથે બદ્રીનાથ ધામના કપાટ ખુલ્યા, ખાસ જુઓ Video

Chardham Yatra 2022: હજારો શ્રદ્ધાળુઓના જયજયકાર વચ્ચે આજે સવારે પૌરાણિક પરંપરા અને વિધિ વિધાનથી બદ્રીનાથ ધામના કપાટ ખોલવામાં આવ્યા. ચાર ધામની જાત્રાનું હિન્દુધર્મમાં ખુબ મહત્વ છે. ચાર ધામમાંથી એક બદ્રીનાથના કપાટ આજે સવારે 6.15 વાગે વૈદિક મંત્રોચ્ચાર સાથે ખોલવામાં આવ્યા. મંદિરની ફૂલોથી સુંદર સજાવટ કરવામાં આવી છે. 

આજે સવારે બદ્રીનાથ ધામમાં મોટી સંખ્યામાં શ્રદ્ધાળુઓની હાજરીમાં કપાટ વિધિ-વિધાન અને મંત્રોચ્ચાર તથા સેના બેન્ડની ધૂન સાથે ખોલવામાં આવ્યા. અત્રે જણાવવાનું કે આ વખતે ચાર ધામ યાત્રા દરમિયાન દર્શન માટે શ્રદ્ધાળુઓની સંખ્યા પણ નક્કી કરી દેવાઈ છે. સરકારે બહાર પાડેલા આદેશમાં કહેવાયું છે કે બદ્રીનાથ ધામમાં રોજના 15 હજાર, ગંગોત્રીમાં 7 હજાર, કેદારનાથમાં 12 હજાર અને યમુનોત્રીમાં 4 હજાર ભક્તો પ્રતિદિન દર્શનનો લ્હાવો લઈ શકશે.