Congress vs BJP: હવે રાહુલ ગાંધીની ટી-શર્ટને લઇને છેડાયુ શાબ્દિક યુદ્ધ, શું છે સમગ્ર મામલો

BJP targets Rahul Gandhi: કોંગ્રેસ સાંસદ રાહુલ ગાંધીએ જ્યારથી ભારત જોડો યાત્રા શરૂ કરી છે. ત્યારથી તેઓ ભાજપ અને આરએસએસ પર હુમલાખોરો સ્ટેન્ડ લઈ રહ્યા છે. બીજી તરફ ભાજપ પણ રાહુલ પર નિશાન સાધવાની કોઈ તક છોડતા નથી. હવે ભાજપના સત્તાવાર ટ્વિટર હેન્ડલ પર એક તસવીર ટ્વીટ કરવામાં આવી છે અને દાવો કરવામાં આવી રહ્યો છે કે, રાહુલ ગાંધીએ જે ટી-શર્ટ પહેરી છે તે 41 હજાર રૂપિયાની છે. જોકે, કોંગ્રેસે પણ ભાજપના આ હુમલોનો જવાબ આપવામાં વિલંબ કર્યો ન હતો.

ટી-શર્ટમાં રાહુલ ગાંધીની એક તસવીરની સાથે ભાજપે ટી-શર્ટના બ્રાન્ડની પ્રાઈઝ જણાવતા વધુ એક ફોટો પણ શેર કર્યો છે. ભાજપ દ્વારા શેર કરવામાં આવેલા ફોટા અનુસાર ટી-શર્ટની કિંમત 41,257 રૂપિયા છે. ભાજપે ટોણા મારતા કેપ્શનમાં લખ્યું છે- ભારત દેખો!