યુદ્ધની પોકળ ધમકીઓ આપતા પાકિસ્તાનને ભારતીય સેનાએ આપ્યો જડબાતોડ જવાબ

નવી દિલ્હી: જમ્મુ અને કાશ્મીરમાંથી કલમ 370 હટાવતા પાકિસ્તાન બરાબર ધૂંધવાયું છે. એલફેલ બક્યા કરે છે અને ભારતને ધમકી પર ધમકી આપતું જાય છે. આ બધા વચ્ચે ભારતીય સેનાના પ્રમુખ જનરલ બિપિન રાવતે કહ્યું કે કાશ્મીરમાં હાલાત સંપૂર્ણ નિયંત્રણમાં છે. આ સાથે જ તેમણે પાકિસ્તાન તરફથી થનારા કોઈ પણ દુ:સાહસની આશંકાને લઈને કહ્યું કે સરહદ પર સુરક્ષાદળો એકદમ હાઈ અલર્ટ છે. અમે કોઈ પણ સ્થિતિને પહોંચી વળવા માટે સક્ષમ છીએ. અમે પાકિસ્તાનની કોઈ પણ હરકતનો જવાબ આપવા માટે તૈયાર છીએ.