Bengal: મતદાનના દિવસે કમળનું બટન દબાવજો એટલે મમતા બેનર્જીને કરંટ લાગશેઃ ગડકરી

કોલકત્તાઃ પશ્ચિમ બંગાળ વિધાનસભા ચૂંટણી (West Bengal Assembly Election) ને લઈને બધી પાર્ટીઓ એકબીજા પર હુમલો કરી રહી છે. આ ક્રમમાં કેન્દ્રીય રોડ પરિવહન મંત્રી નીતિન ગડકરી (Nitin Gadkari) એ પશ્ચિમ બંગાળના મુખ્યમંત્રી મમતા બેનર્જી પર મોટો હુમલો કર્યો છે. એક રેલી દરમિયાન તેમણે કહ્યું કે, ચૂંટણી પરિણામના દિવસે સીએમ મમતા બેનર્જીને એવો કરંટ લાગશે કે તેઓ પોતાની ખુરશીથી બે ફૂટ ઉપર ઉઠી જશે. રેલીમાં આવેલા લોકોને સંબોધિત કરતા તેમણે કહ્યું કે, બસ આ કરંટ લગાવી દો પછી જુઓ રાજ્યમાં વિકાસનો બલ્સ કેમ શરૂ થઈ જશે. 

બંગાળના જોયેપુરમાં રેલીને સંબોધિત કરતા મંત્રી નીતિન ગડકરીએ કહ્યુ કે, 'મતદાનના દિવસે સવારે ઉઠો. તમારા ઈસ્ટ દેવને યાદ કરો. પોલિંગ બૂથ પર જાવ અને કમળનું બટન દબાવો. એવો કરંટ લાગશે કે મમતા બેનર્જી પોતાની ખુરશીથી બે ફૂટ ઉપર ઉઠી જશે. બસ આ કરંટ લગાવી દો પછી જુઓ રાજ્યમાં વિકાસનો બલ્બ કેમ સળગે છે.'

ઉલ્લેખનીય છે કે પશ્ચિમ બંગાળ વિધાનસભાની ચૂંટણી આઠ તબક્કામાં થવાની છે. આ વખતે પ્રથમ તબક્કા માટે 27 માર્ચ અને અંતિમ તબક્કા માટે મતદાન 29 એપ્રિલે થશે. મતગણના 2 મેએ થશે.