Weather Update: નવા વર્ષમાં ઠંડી ભુક્કા કાઢશે કે મળશે રાહત? હવામાન વિભાગે આપી મહત્વની જાણકારી

નવી દિલ્હીઃ Temperature in Delhi: દેશની રાજધાની દિલ્હીના લોકો છેલ્લા ઘણા દિવસોથી ઠંડીની લહેર અને ગાઢ ધુમ્મસનો સામનો કરી રહ્યા છે. પરંતુ બુધવારથી 1 જાન્યુઆરી સુધી કડકડતી ઠંડીથી થોડી રાહત મળવાની આશા છે. ભારતીય હવામાન વિભાગ (IMD) એ આ માહિતી આપી છે.  દિલ્હીના પાલમ વેધર સ્ટેશનમાં બુધવારે લઘુત્તમ તાપમાન 7.8 ડિગ્રી સેલ્સિયસ નોંધાયું હતું જ્યારે સફદરજંગમાં લઘુત્તમ તાપમાન 8.4 ડિગ્રી સેલ્સિયસ નોંધાયું હતું.

અહેવાલ મુજબ, ઠંડા દિવસ એવો હોય છે જ્યારે લઘુત્તમ તાપમાન સામાન્ય કરતા 10 ડિગ્રી સેલ્સિયસથી ઓછું અથવા બરાબર હોય અને મહત્તમ તાપમાન સામાન્ય કરતાં ઓછામાં ઓછું 4.5 ડિગ્રી ઓછું હોય. જ્યારે સૌથી ઠંડો દિવસ એ છે જ્યારે મહત્તમ તાપમાન 6.5 ડિગ્રી અથવા સામાન્ય કરતાં વધુ હોય છે.

તીવ્ર શીત લહેર શું છે
જ્યારે લઘુત્તમ તાપમાન બે ડિગ્રી સેલ્સિયસ ઘટી જાય અથવા સામાન્ય કરતાં 6.4 ડિગ્રી સેલ્સિયસ વધી જાય ત્યારે 'ગંભીર' શીત લહેર થાય છે. IMDના એક વરિષ્ઠ અધિકારીએ આગાહી કરી હતી કે બુધવારથી ઉત્તર પશ્ચિમ ભારતમાં ઠંડી ઓછી થઈ જશે અને પછી 31 ડિસેમ્બરથી શિયાળો ફરી શરૂ થઈ શકે છે.

આ પણ વાંચોઃ ટીડીપી પ્રમુખ ચંદ્રાબાબૂ નાયડૂના રોડ શો દરમિયાન ભાગદોડ, 7 લોકોના મોત

IMDના વરિષ્ઠ વૈજ્ઞાનિક આરકે જેનામાનીએ જણાવ્યું હતું કે 28 ડિસેમ્બરથી પશ્ચિમી વિક્ષેપને કારણે સુધારો થશે અને 29 ડિસેમ્બરે જમ્મુ અને કાશ્મીર, લેહ અને હિમાચલ પ્રદેશના ભાગોમાં તાજી હિમવર્ષા થવાની અપેક્ષા છે. બીજી તરફ પંજાબના કેટલાક ભાગોમાં 29 ડિસેમ્બરે હળવો વરસાદ થવાની સંભાવના છે. વરિષ્ઠ વૈજ્ઞાનિકે કહ્યું કે 31 ડિસેમ્બરથી દેશના ઉત્તરીય ભાગોમાં તાજી શીત લહેર જોવા મળશે.

શું છે હવામાનની સ્થિતિ?
અહેવાલો અનુસાર બુધવારે પંજાબના ભટિંડામાં ગાઢ ધુમ્મસ જોવા મળ્યું હતું. જોકે, હરિયાણા અને પશ્ચિમ ઉત્તર પ્રદેશના ભાગોમાં વિઝિબિલિટી ઓછી રહી હતી. પંજાબ, હરિયાણા, ચંદીગઢ અને દિલ્હી, રાજસ્થાન, પશ્ચિમ ઉત્તર પ્રદેશ અને આજુબાજુના ઉત્તર-પશ્ચિમ મધ્ય પ્રદેશના ઘણા ભાગોમાં લઘુત્તમ તાપમાન 3-7 ડિગ્રી સેલ્સિયસ વચ્ચે નોંધાયું છે.

આ પણ વાંચોઃ તમારામાં આ ગુણો હોય તો કોંગ્રેસના રાહુલ ગાંધી શોધી રહ્યાં છે છોકરી, કહ્યું કે.....

રાજસ્થાનના ચુરુમાં છેલ્લા બે દિવસથી સતત ઠંડી પડી રહી છે. મંગળવારે ચુરુમાં લઘુત્તમ તાપમાન 0.5 ડિગ્રી સેલ્સિયસ નોંધાયું હતું. એક અધિકારીએ જણાવ્યું કે રાજસ્થાનના વિવિધ વિસ્તારોમાં તાપમાન 0 ડિગ્રી સેલ્સિયસની નજીક પહોંચી રહ્યું છે અને રાજ્યમાં ઠંડી વધી રહી છે. પશ્ચિમ રાજસ્થાન કરતાં પૂર્વી રાજસ્થાનમાં ઠંડી પડી રહી છે.