Corona Third Wave: જુલાઇથી કિશોરોને લગાવવામાં આવશે Corona Vaccine! Zydus Cadilla એ સરકાર પાસે માંગી પરવાનગી

નવી દિલ્હી: કોરોના મહામારીથી બાળકોને વધી રહેલા ખતરા વચ્ચે સરકારે રાહતના સમાચાર આપ્યા છે. જોકે એક દવા કંપનીએ કિશોરો માટે વેક્સીન (Corona Vaccine) તૈયાર કરી લીધી છે અને સરકાર સાથે ઇમરજન્સી ઉપયોગની મંજૂરી માંગી છે. 

ઝાયડ્સ કંપનું ટ્રાયલ થયું પુરૂ
કોવિડ વર્કિંગ ગ્રુપના ચેરમેન ડો. એનકે અરોડાએ કહ્યું, 'ઝાયડસ કેડિલા (Zydus Cadilla) વેક્સીનનું ટ્રાયલ લગભગ પુરૂ થઇ ગયું છે. જુલાઇના અંત અથવા ઓગસ્ટ સુધી અમે સંભવત: વેક્સીન લગાવવાનું શરૂ કરી દઇશું. 12-18 ઉંમર વર્ગના બાળકોને આ વેક્સીન લગાવવામાં આવશે. 

ડો. એનકે અરોડાએ કહ્યું, 'ICMR એ એક સ્ટડીની છે, તેના અનુસાર કોરોનાની ત્રીજી લહેર મોડી આવશે. એવામાં અમારી પાસે 6-8 મહિનાનો સમય છે. બધાને રસી લગાવવા માટે અમારી પાસે આટલો સમય પુરતો છે. અમે આગામી સમયમાં દરરોજ 1 કરોડ રસી અલ્ગાવીને આ લહેરને આવતાં રોકીશું.  

સરકારને અરજી આપી શકે છે કંપની
સૂત્રોના અનુસાર દવા નિર્માતા કંપની ઝાયડસ કેડિલા (Zydus Cadilla) કંપની જલદી જ ભારતના ડ્રગ્સ કંટ્રોલર સમક્ષ પોતાની કોરોના વેક્સીન 'ઝાયકોવ-ડી'ના ઇમરજન્સી ઉપયોગ માટે અરજી કરી શકે છે. કંપનીનું કહેવું છે કે તેને એડલ્ટ અને કિશોરો બંનેને આપી શકાશે. જોકે 12 વર્ષથી ઓછી ઉંમરના બાળકોને વેક્સીન માટે અત્યારે રાહ જોવી પડી શકે છે.