Delta Plus ના ખૌફ વચ્ચે આ રાજ્યમાં ફરી વધ્યું Lockdown, સરકારે જાહેર કર્યા નવા નિર્દેશ

ચંદીગઢ: હરિયાણા સરકાર (Haryana Government) એ ફરી એકવાર લોકડાઉન (Lockdown) વધારવાનો નિર્ણય લીધો છે. રાજ્યમાં લોકડાઉનને 5 જુલાઇ સુધી વધારવાનો આદેશ જાહેર કર્યો છે. જોકે આ દરમિયાન કેટલીક ઢીલના પણ આદેશ આપવામાં આવ્યા છે. 

ડેલ્ટા પ્લસ વેરિએન્ટએ વધારી ચિંતા
કોરોના વાયરસ (Coronavirus) ના કેસ ભલે ઓછા થઇ રહ્યા હોય પરંતુ કોરોનાના ડેલ્ટા પ્લસ વેરિએન્ટ (Corona Delta Plus Variant) એ ચિંતા વધારી છે. આ દરમિયાન કેંદ્રએ રાજ્યોને સર્તકતા વર્તવા માટે કહ્યું છે. આ દરમિયાન હરિયાણા સરકારે લોકડાઉન વધારવાનો નિર્ણય લીધો છે. હરિયાણાના ફરીદાબાદમાં શુક્રવારે એક ડેલ્ટા પ્લસ વેરિએન્ટનો દર્દી પણ મળ્યો છે. 

હરિયાણામાં કોરોનાની સ્થિતિ
હરિયાણામાં શનિવારે કોરોના વાયરસ (Coronavirus) ના સંક્રમણથી 17 લોકોના મોત થયા છે, જ્યારે સંક્રમણના લીધે 121 નવા કેસ સામે આવતાં રાજ્યમાં સંક્રમણના કુલ કેસ વધીને 7,68,263 થઇ ગયા છે. સ્વાસ્થ્ય વિભાગના બુલેટિનના અનુસાર રાજ્યમાં અત્યાર સુધી સંક્રમણ 9,368 લોકોના મોત થયા છે. બુલેટિનના અનુસાર ગુડગામ, હિસાર, પાણીપત અને ભિવાની જિલ્લામાં બે-બે લોકોના મોત થયા છે. 

7.76 ટકા છે સંક્રમણ દર
આ દરમિયાન પલવલમાં સૌથી વધુ 20 કેસ સામે આવ્યા, ત્યારબાદ પંચકૂલામાં 17 કેસ આવ્યા. રાજ્યમાં સારવાર કરાવી રહેલા દર્દીઓની સંખ્યા 1,804 છે. અત્યાર સુધી કુલ 7,57,091 દર્દીઓ સાજા થયા છે. બુલેટિનમાં કહેવામાં આવ્યું છે કે કુલ સંક્રમણ દર 7.76 ટકા છે.