Beauty Tips: ત્વચા માટે પણ ચમત્કારી છે સૂકી ખજૂર, આ રીતે ઘરે બનાવો સુકી ખજૂરનો ફેસ પેક

Beauty Tips: જો તમે ત્વચાને નિખારવા માંગો છો, તો તમે સૂકી ખજૂરનો પણ ઉપયોગ કરી શકો છો, સૂકી ખજૂરની મદદથી તમે ચહેરા પરની ચમક વધારી શકો છો, તે સ્વાસ્થ્યની સાથે-સાથે ચહેરા પરની ચમક પણ જાળવી રાખે છે.

સ્ક્રબ કેવી રીતે બનાવવું
જો તમારે સૂકી ખજૂરનું સ્ક્રબ બનાવવું હોય તો તમારે પહેલા ચારથી પાંચ સૂકી ખજૂરને એક કપ દૂધમાં આખી રાત પલાળી રાખવાની છે, પછી તેને સૂકવીને સવારે તેને બારીક પીસી લેવી અને ત્યાર બાદ તેની પેસ્ટમાં મધ ઉમેરીને લગાવો. તેમાં સોજી મિક્સ કરો અને બે મિનિટ સુધી સ્ક્રબ કરો અને પછી પાણીથી ધોઈ લો.

ફેસ પેક
જો તમારે ફેસ પેક બનાવવો હોય તો આઠ સૂકી ખજૂરને એક કપ દૂધમાં આખી રાત પલાળી રાખો અને પછી તેને પીસીને સ્મૂધ પેસ્ટ બનાવો, પછી આ પેસ્ટમાં એક ચમચી મલાઈ ઉમેરો અને એક ચમચી લેમન જ્યુસ મિક્સ કરો, પછી ફેસ પેક લગાવો. સુકાઈ ગયા પછી તેને પાણીથી ધોઈ લો.

હેયર પેક
જો તમે તમારા વાળમાં સૂકી ખજૂરનો ઉપયોગ કરવાનું વિચારી રહ્યા છો, તો તેના માટે દસ સૂકી ખજૂરને પાણીમાં નાંખો અને તેને સારી રીતે ઉકાળો, પછી પાણીને ઠંડુ થવા દો અને ઠંડા થયા પછી તમારા વાળ ધોઈ લો, આમ કરવાથી તમારા વાળમાં ચમક આવશે. આ પછી તમે શેમ્પૂ પણ કરી શકો છો.