Home Tips: લાઇટ બિલ ભરીને લૂંટાવશો નહી રૂપિયા! અપનાવો આ ટીપ્સ, અડધું થઈ જશે લાઈટ બિલ

Electricity Bill: લોકોના ઘરે વીજળીનું બિલ આવતાંની સાથે જ મોટું બિલ જોઈને લોકો નિરાશ થઈ જાય છે. ઉનાળાની ઋતુમાં એસી, ફ્રીજ અને અન્ય ઈલેક્ટ્રોનિક ગેજેટ્સ ચલાવવાને કારણે વીજળીનું બિલ વધી જાય છે. આવી સ્થિતિમાં લોકોનું માસિક બજેટ પણ બગડી જાય છે. આને ધ્યાનમાં રાખીને, અમે તમારા માટે વીજળીના ખર્ચને ઘટાડવા માટેની ટિપ્સ લાવ્યા છીએ, જે વીજળીની બચત સાથે તમારા વીજળીના ખર્ચમાં પણ ઘટાડો કરશે. ચાલો જાણીએ વીજળીનું બિલ ઘટાડવાની સરળ ટિપ્સ વિશે.

સીએફએલ લાઇટ
સામાન્ય બલ્બને બદલે લો એનર્જી બલ્બનો ઉપયોગ કરો. તેનાથી ઉર્જાનો વપરાશ ઓછો થશે અને લાઇટિંગ પણ સારી રહેશે. તમે CFL અથવા LED લાઇટનો ઉપયોગ કરીને લગભગ 70% વીજળી બચાવી શકો છો.

ફ્રીઝર ડિફ્રોસ્ટ રાખો
જો તમારા ફ્રિજમાં મોટી માત્રામાં બરફ જમા થાય છે, તો આ બરફના કારણે ફ્રિજની ઠંડક શક્તિ ઓછી થઈ જાય છે અને તે વધુ વીજળી વાપરે છે. તેથી, ફ્રીઝરને હંમેશા ડિફ્રોસ્ટ કરીને રાખો અને ગરમ ખોરાકને થોડો ઠંડો થવા દો પછી જ ફ્રીઝમાં રાખો.

સ્વીચો બંધ રાખો
ટીવી, લેપટોપ, મોબાઈલ ચાર્જર વગેરે જેવા ઇલેક્ટ્રિક સાધનોનો ઉપયોગ કર્યા પછી, તેમની પાવર સ્વીચ ચોક્કસપણે બંધ કરો.

AC ચલાવતી વખતે રૂમ બંધ રાખો
જો તમે AC ચલાવતા હોવ તો ઘરની તમામ બારી, દરવાજા, સ્કાઈલાઈટ વગેરે યોગ્ય રીતે બંધ હોય તેની ખાતરી કરવાનો પ્રયાસ કરો. તમે AC ના બદલે સીલિંગ ફેન અથવા ટેબલ ફેનનો ઉપયોગ કરી શકો છો.

લેપટોપ બંધ કરો
કમ્પ્યુટર પર કામ કર્યા પછી હંમેશા પાવર સ્વીચ બંધ કરો. જો તમે કોમ્પ્યુટર પર કામ કરતી વખતે બ્રેક લઈ રહ્યા છો, તો મોનિટર બંધ કરો. કમ્પ્યુટરને લાંબા સમય સુધી સ્લીપ મોડમાં ન રાખો, બલ્કે તેને બંધ કરો.