Roti Tips: સ્વાદિષ્ટ, પોચી અને ફૂલેલી રોટલી બનાવવા માટે આ 3 ટિપ્સ અજમાવો, સ્વાદ દાઢમાં રહી જશે!

Perfect Dough Kneading Tips: ગોળ અને ફૂલેલી રોટલી ખાવામાં જે મજા આવે છે તેનું તો શું કહેવું. આવી પરફેક્ટ રોટલી હોય તો ભૂખ આપોઆપ ખુલી જાય છે. પરંતુ ઘણીવાર એવું બનતું હોય છે કે ગમે તેટલી કોશિશ કરો તો પણ રોટલીમાં એવી પરફેક્ટ બનતી નથી. આવી પરફેક્ટ રોટલી બનાવવા માટે લોટ તમે કેવી રીતે બાંધો છો તે ખુબ જ મહત્વનું છે. આજે  અમે તેમને એવી કેટલીક ટિપ્સ જણાવીશું જેનાથી તમે રોટલી ફૂલેલી અને ગોળ બનશે. આ સાથે જ સ્વાદ અને ભૂખ પણ ડબલ થઈ જશે. તો પછી જાણો સુપર્બ લોટ બાંધવાની પરફેક્ટ રીત....

યોગ્ય વાસણ પસંદ કરો
જો તમે સોફ્ટ અને ગોળ રોટલી બનાવવા માંગતા હોવ તો આ માટે તમારે લોટ બાંધવા યોગ્ય વાસણની પસંદગી કરવી ખુબ જરૂરી છે. આ માટે તમે ગોળ વાસણ કે મોટી કથરોટની જ પસંદગી કરવી જોઈએ. તેનાથી તમને લોટ બાંધવામાં એકદમ સરળતા રહે છે. 

પાણીનું યોગ્ય પ્રમાણ
લોટ બાંધતી વખતે પાણીનું પ્રમાણ યોગ્ય રાખવું જરૂરી રહે છે કારણ કે લોટમાં વધુ પાણી નાખવાની લોટ નરમ બનતો જશે. જ્યારે ઓછું પાણી નાખશો તો લોટ કઠણ થઈ જશે. આવામાં તમારે લોટમાં પાણીની માત્રા જાળવી રાખવા માટે થોડું થોડું કરીને પાણી નાખવું જોઈએ. તેનાથી રોટલી ફૂલેલી અને લાંબા સમય સુધી સોફ્ટ રહે તેવી બને છે. 

થોડો સમય આપો
મોટાભાગે લોકો લોટ બાંધીને તરત જ રોટલીઓ સેકવા લાગે છે જેનાથી રોટલી સારી બનતી નથી. આવામાં તમે લોટ બાંધીને લગભગ અડધો કલાક સુધી સેટ થવા માટે રાખો. તેનાથી લોટ સારી રીતે સેટ થાય છે અને ત્યારબાદ જો રોટલી બનાવશો તો રોટલીઓ ખુબ જ સોફ્ટ અને ફૂલેલી બનશે. આ સાથે જ સ્વાદમાં પણ ખુબ જ સરસ લાગે છે. 

(Disclaimer: અહીં આપેલી જાણકારી ઘરેલુ નુસ્ખા અને સામાન્ય જાણકારીઓ પર આધારિત છે.  ZEE 24 કલાક તેની પુષ્ટિ કરતું નથી.)