માતા-પિતા માટે લાલબત્તી સમાન કિસ્સો, અમદાવાદમાં એક પોણા ત્રણ વર્ષનું બાળક ચાવી ગળી ગયું

નાના બાળકોનું ધ્યાન રાખવું ખુબ જરૂરી છે. બાળક શું કરી રહ્યું છે તેના પર ધ્યાન ન રાખો તો માતા-પિતાએ મુશ્કેલીમાં મુકાવું પડી શકે છે. ઘણીવાર એક નાની ભૂલ ખુબ મોટી સમસ્યા ઉભી કરી દેતી હોય છે. 

અમદાવાદમાં એક આવી ઘટના બની છે. બે વર્ષ, 9 મહિનાનું બાળક રમતાં-રમતાં ચાવી ગળી ગયું હતું. ત્યારબાદ બાળકને હોસ્પિટલમાં ખસેડવામાં આવ્યું હતું. 

ડોક્ટર આશય શાહએ દૂરબીનની મદદથી બાળકના શરીરમાંથી ચાવી બહાર કાઢી હતી.   

દૂરબીનની મદદથી ચાવી બહાર કઢાતા કોઈ ઓપરેશનની જરૂર પડી નહીં. પરંતુ આ કિસ્સો દરેક માતા-પિતા માટે લાલબત્તી સમાન છે. તમારૂ બાળક કઈ વસ્તુથી રમી રહ્યું છે તેનું ધ્યાન રાખવું જરૂરી છે.