...જાણે કાશીની ધરતી પર ઉતરી આવ્યા દેવ, લાખો દીવડાની ઝગમગ જુઓ તસવીરોમાં

દર વર્ષની જેમ આ વખતે પણ કારતક પૂર્ણિમાના દિવસે દેવતાઓ દિવાળીની ઉજવણી કરવા કાશીમાં પધાર્યા છે. પ્રાચીન કાળથી એવું માનવામાં આવે છે કે કાર્તિક પૂર્ણિમાના દિવસે દેવતાઓ દિવાળી ઉજવવા કાશી આવે છે. આ તહેવાર કાશી એટલે કે વારાણસીમાં ખૂબ જ ધામધૂમથી ઉજવવામાં આવે છે.

દીવાઓથી સુશોભિત ઘાટ જોવાલાયક છે. આ વર્ષે વારાણસીના ઘાટોને 12 લાખ દીવાઓથી શણગારવામાં આવ્યા છે.

મુખ્યમંત્રી યોગી આદિત્યનાથ દેવ દિવાળી પર વારાણસી પહોંચ્યા હતા. મુખ્યમંત્રીએ પોતે ઘાટો પર શણગારેલા દીવાઓમાંથી પહેલો દિવો પ્રગટાવ્યો હતો. 

દેવ દિવાળી પર નમો ઘાટને ખાસ શણગારવામાં આવ્યો હતો. અહીં શાળાના બાળકો અને અન્ય કલાકારોએ ક્લાસિકલ ડાન્સ પરફોર્મન્સ આપ્યું હતું.

સાંજ થતાં જ કાશીના તમામ ઘાટો પર દીવા પ્રગટાવવામાં આવ્યા. જ્યારે ઘાટ અને હોડીઓ પર દીવા પ્રગટાવવામાં આવ્યા ત્યારે સમગ્ર કાશી જગમગી ઉઠી હતી. 

દશાશ્વમેધ ઘાટને રંગબેરંગી રોશનીથી શણગારવામાં આવ્યો હતો. બનારસના ઘાટના નયનરમ્ય નજારાને માણવા લાખો લોકો ત્યાં પહોંચ્યા હતા.

દેવ દિવાળીના શુભ અવસરે વિવિધ સ્થળોએ ધાર્મિક અને સાંસ્કૃતિક કાર્યક્રમોનું પણ આયોજન કરવામાં આવ્યું હતું.

દેવ દિવાળીની સજાવટ જોવા વારાણસીના તમામ ઘાટ પર લોકોની ભારે ભીડ જોવા મળી હતી.

દર વર્ષની જેમ આ વર્ષે પણ દેવ દિવાળી પર મોટી સંખ્યામાં વિદેશી પ્રવાસીઓ વારાણસી પહોંચ્યા હતા.

ભાજપ સાંસદ અને ભોજપુરી ગાયક મનોજ તિવારીએ પણ પરફોર્મ કર્યું હતું.